مساجلة علي الفضلي وعبد العزيز الفضلي

[poem=font="arial,5,#0000ff,bold,normal" bkcolor="" bkimage="" border="none,1," type=3 line=0 align=center use=ex num="0,"]
قصيدة موجهة من الشاعر:علي ماطر عطا الله الفضلي الهذلي إلي الشاعر : عبد العزيز فالح معتوق الفضلي الهذلي ,,,,,,

يا سلام الله على رجال والوفاء واهل الحميه=الرجال اللي لها تاريخ هامه فوق هامه

فز يا عزوز نبقى حل لك في أهنا قضيه=وأنت شاعر لك مع أهل الشعر رمز ولك علامه

الجدي وسهيل لو بانت ضحى وإلا عشيه=قالوا العربان هذي من علامات القيامه

من سنة الفين قالوا الناس برج الفيصليه=كاشف أوضاع المحيا كاشف للي في الثمامه

البعير للي هدر في الشرق ما شاف المطيه=بس جرح (ن) مزمن(ن) موجود في غارب سنامه

لو هدر وإلا رغى قالوا يحب العامريه=ما أنكشف جرحه الين ادمي سنامه مع عظامه

وردة الطائف تخل لها عروق النرجسيه=لو تركز تيتشوف أعروقها داخل تهامه

السجين للي سجن مظلوم في حكم البنيه=والبنية أمثبته في أقوالها حكم اتهامه

نار حاتم ما تطفيها المز ون المو سميه=تبقى ذكر له مثل ما تنذ كر زرقا اليما مه

والختام أقول يا عزوز نار القوم حيه=وأنت عارف ويش أنا اقصد والجبل وثق فدامه

واختم أقوالي لكم يا هل الو فا واهل الحميه=وأنتم أخوالي وتاج الرأس لي وأنتم وسامه


رد الشاعر / عبد العزيز فالح معتوق الفضلي الهذلي

مر حبا بك يا رفيع الرأس يا راعي الو فيه =نسل عرف ونسل شعرالعز من خال وعما مه

صاحبك يا خوك قند له دلال الشاذ ليه=رجل وافي ساعة الهـيه رصاصه في حزامه

الجدي وسهيل ماطبوا بلاط الداخليه=كل واحد ضارب البشت الحساوي من الزعامه

والبروق اللي تلا مع مزنها يحي السنيه=ما يخايلها غضيض الطرف يمشي باحترامه

والعبير اللي مضيع بين مضحاته وفيه=والله ليبطي وهو مادل وش شرقه وشامه

وإن رغى ولا هدرمكتوف حبله بي يديه=جوده طيور شلوى ما هم عيال الرخامه

وردة الطائف كتبها بن معمر من ذويه=والقضاه عدول والشاهد موثق من كلامه

من يطب المعركة ياخوك يصبر للدعيه=إن قعد مسجون طول العمر ولا ب عدامه

نار حاتم من يو لعها تر ا عزومه قويه=ما يطفيها غراب البين لو يرسي العمامه

والختام ابشر بعزك نذر لا سوق المطيه=يا عسي تدل درب الناس ولا للجهامه

ا شعب ركابك وتلقى جنب ما يرضى الاذيه=ما عهدنا الحر الأشقر غير في عالي مقامه[/poem]