,,,,معلقة مفاخر هذيل,,,,

السلام عليكم ورحمة الله بركاته

اهدي الغالين في مجالس هذيل الشامخه

هذه القصيده في مفاخر قبيلة هذيل العظيمه ( عسكر البارود )

في حفلة لقبيلة القرح العزيزه من قبايل هذيل

قبل ست سنوات تقريباْ

[poem=font="arabic transparent,5,#0000ff,bold,normal" bkcolor="#ffffff" bkimage="" border="none,1," type=2 line=1 align=center use=ex num="0,"]
ألا يا الله يا خالـق عبـادك والعبـاد أخـوان=ورافعهـا وخافضهـا ومعطيهـا ومحرمـهـا
.
يا من تسجد لعظمتك العظايم يا عظيم الشـان=وتلبس من عظايـم جـودك الدنيـا عظايمهـا
.
وراسم بسمة الرحمه على ثغـر الحيـاه وزان=لنا وجه الحيـاه اللـي حياهـا مـن تبسمهـا
.
توفقنـا يـا خالقنـا وترزقنـا مـن الغفـران=ثيابٍ ضافيه نلبـس علـى التقـوى عمايمهـا
.
ومن فضلك تجملنا بفضلك مع هـل الإحسـان=رجـالٍ روسهـا لنفوسهـا ترفـع مكارمهـا
.
عيال الشايب اللـي للمواقـف عقـب الشبـان=قرانيـس الحـرار اللـي مخالبهـا تدسمـهـا
.
هذيل أهل الشهامه والكرامـه والزعامـه لآن=ما يقعد فوق سطـح الأرض عربـانٍ نكلمهـا
.
أهل عرمه وأهل كرمه مع العدوان والصدقـان=لحاً نكرم عن الحاهـا كـرم والحـاً نكرمهـا
.
وأهل مكسب وأهل منسب عريب معرّب الجدان=صحيـحٍ عدهـا مـن جدهـاوالحـدلازمها
.
شجاعتنا لها ضيفـة وكرمتنـا لهـا ضيفـان =ولا نحسب حساب القـوم عنترهـا وحاتمهـا
.
هل التاريخ والتاريخ ما يرضى هـل الجحـدان=يـدق اخشومهـا بعلومـهـا ولاّ يخرمـهـا
.
لهم فالجاهليـة قبـل ديـن الواحـد الديـان=فعـولٍ عدهـا ديوانهـم واثـبـت معالمـهـا
.
في ديوان القبايل كلهـا وهذيـل فـي ديـوان=لكثر أشعارهـا وأخبارهـا وافعـول اكارمهـا
.
ووطنا مهبط الوحي الشريف وخيـرة الأوطـان=ديـار أم القـرى وأم القـرى ربـي معظمهـا
.
وفيها اختارنا الله لجل نسكـن خيـرة البلـدان=وشرفنـا بحرمتهـا وكعبتـهـا وزمزمـهـا
.
وصار اطيب رسولٍ في بلدنا وأطيـب الأديـان=وهي خاتم رساله مرسلاً فالرسـل خاتمهـا
.
وصرنـا السابقيـن الأوليـن لعـزة الإيمـان=مع أهل السبق فالإسلام اعاربها واعاجمهـا
.
وشرفنا عظيـم الجـاه يـوم ينـزّل الفرقـان=على سبع ألهجات ولهجـة الهـذلان تحسمهـا
.
وبعد شلنا البيارق فالمشارق والمغـارب دان=لنـا بحـر الحيـاه وبرهـا وملـوك اوادمهـا
.
وطلع منا ملوكٍ فـي وطنـا تلبـس التيجـان=مفاخرهم عظيمـه سجـل التاريـخ معظمهـا
.
وكان المجد يكتب للقبيلـة عقـب شـيٍ كـان=لفارسهـا وشاعرهـا وتاجرهـا وعالمـهـا
.
وحنا من موامين القضاء فالحضر والبـدوان=ومقطع حق في شبه الجزيـره مـن قدايمهـا
.
ولسان الحجة اللي ما لها بين الخصوم لسـان=وهل القانـون والكانـون والحكمـه نحكمهـا
.
ولاجت للفعـول افعولنـا مـا دونهـا نكـران=يقف مـن دونهـا التاريـخ يثبتهـا ويدعمهـا
.
أخذنا جوخة الباشا وأخذنـا مشلـح السلطـان=وجبنا اسر العرب من ريّس الحبشه وحاكمهـا
.
وحنـا لا درج حبـل الحـروب ودرّج العـدوان=نطع النار فـجموع الأعـادي ليـن نشعمهـا
.
وأهل بندق وأهل شلفا وأهل خنجر ورمح وزان=وأهل حدب السيوف اللي تبسم عـن ملاثمهـا
.
ليا من المعـارك فالمـدارك جالهـا ربـان=بعد ما دقّرت عنها الصبـاء وأرخـت قوادمهـا
.
ودنّت واجرست صنع الفرنـج وجالهـا دنـدان=وجاء مثل الصواقـع فأول الهيّـه تصرمهـا
.
صخيفات الرقاب اللـي تقـول أرقابهـا ديبـان=يخش الموت بين ضلوعها ويثـور مـع فمهـا
.
عريضات الخشيب اللي تحالي لشقـر الجنحـان=كبيـراتٍ كراسيـهـا صغـيـراتٍ براطمـهـا
.
يلاعبها السراب من آخر الحبه اليـا النيشـان=واصابعهـا مرقـدتٍ تحـت فيـة ملازمـهـا
.
طويلات القرون اللي مراكزها علـى الذرعـان=مع ايمان العيال اللـي تعـدي عـن لوازمهـا
.
شعاشيع الرماه اللي ليا ضفوا علـى البيشـان=تفرقع دونها صـم الرواسـي مـا تصادمهـا
.
عيالٍ في شماريـخ المغيـره تلطـم الفرسـان=على رايـة شيـوخٍ ف أول العيّـال تكعمهـا
.
وقالوا كل ما شافوا جمـوع امليمـه واكـوان=علاها لا ارحم الله حي ابـو منهـو مليمهـا
.
ولا أرخوا ضمرٍ شيٍ رسن منها وشي اعنـان=تشوف الموت كاشر للأعـادي فـي قوايمهـا
.
وجوهم مثل سرحي الجراد اللي علـى عمـدان=كثيـر وبرقعوهـم هيـةٍ ذاقــو مواسمـهـا
.
وصكوا فوقهم شلفٍ لها مثل الرمـوش اعيـان=وخلوهم مثل مطوى الصحفيـه يـوم تبرمهـا
.
وكزوا فوق لباس المجـوخ واكثـر الشيخـان=وخلو للحيايـا الرقـط لعـبٍ فـي جماجمهـا
.
وسلم اللي سلم واللي طرح خلـوه للسرحـان=وزادٍ للقبـور وللطـيـور ومــا يلاحمـهـا
.
وردوا فوق مقصور الدبش والطرش والهيشـان=وهدوا وبجـدوا مرحانهـا واخـذوا غنايمهـا
.
وقادوا في مرس القود وستقفوا علـى الذيـدان=وعاجت للصغـار ارقابهـا واعطـت ترزمهـا
.
وحازوا وازبروا مال المعـادي كنـه الضلعـان=وجماهير الغـروس بروسهـا ربـي مسلمهـا
.
مداغيش العيال اللي ليا طـال النهـار وشـان=سباعٍ في حميم الهـوش مـا تبـرد عزايمهـا
.
بدون قصور في كل القبايل مـا لهـا نسيـان=وكل رجال من فعل الرجـال اتجيـب مقسمهـا
.
وهاذي نبذةٍ في ما مضى من ماضي الازمـان=هجوسٍ في ضميري صغتهـا مانـي بكاتمهـا
.
تماثيـل هذلـيٍ مطرفـيٍ مـن ذوي عــلان=اقـدم جابتـي بـيـن النشـامـا واتقدمـهـا
.
وانا اللي فاللقاء شاعر وانا اللي فاللزوم حصان=واميّـز فالسوالـف وازن الهرجـه وولمـهـا
.
ولا جات القصايد مثل نضوٍ من حـرار عمـان=امس اشدادهـا واكـرب سفايفهـا واخطمهـا
.
واختمها بذكر اللـي بذكـره ينخـزا الشيطـان=وذكره خاتـم الرسـل الكـرام اللـي يختمهـا[/poem]

حجز مقعد الأول

الله يبيض وجهك يابو دخيل الله قصيدة عن مية قصيدة وهذيل تستاهل المدح قبيلة الشعر والحرب ...إلخ .

تحياتي .

السلام عليكم ورحمة الله وبركاته


صح لسانك يابو دخيل الله ،،، صح لسانك

شاعر جزل ،، وراعي جزلة ،، وهذيل قبيلة تاريخ ، بيض الله وجهك

تعلم أننا من معجبيك ،،

تحية طيبة

تثبت القصــيدة

الله الله

القصيده هذي أول ما سمعت لصالح المطرفي..

قبل لا أعرف ابو دخيل الله

ليلة الحفل


قصيده أكمل ما يكون الشعر

و أجمل ما يكون


قصيده يقف لها الشعر تعظيم

,
,

هذيل أهل الشهامه والكرامـه والزعامـه لآن

ما يقعد فوق سطـح الأرض عربـانٍ نكلمهـا

,
,

تكتب بماء الذهب


صح لسانك يا أبو دخيل الله

و حق لك أن تفخر بهذيل العز كل العز

ما شاء الله تبارك الله

وقفت حائر امام هذه الرائعه

السؤال

ماذا تركت يا صالح لشعراء هذيل؟


لله درك فأنت اسطوره فريده

صح لسانك وبيض الله وجهك قصيده تستحق الاشاده من شاعر فحل لايشق له

غبار اجاد في اسلوب الفخر في هذه المعلقه والتي اجتمع فيها عاملان مهمان

وهما علو شان اللممدوح وقوه شاعريه القائل فجائت هذه الدره الفريده.

لايسعنا الا ان نقول انت تفتخر بقبيله هذيل وهذيل تفتخر بك يافارس الصحراء

وشكرا لك علي ماقدمت لهذه القبيله العريقه شكرا لك,,,,

وعليكم السلام ورحمة الله وبركاته ،
بارك الله فيك أيها الفارس الهذلي الأشم ،
والشاعر الملهم ، ونعم بالمادح وبأهل الممادح،
دمت لنا منارة شعرية باسقة في مسيرة الشعر الهذلي الحديث.
تقبل تحياتي وتقديري ،،،

[frame="8 50"]عز الله انك ابدعت ونضمت قصيده رائعه شامخه بشموخ قبيله هذيل
لك مني ومن كل هذلي اطيب التحايا واجل الاحترام [/frame]

صح لســــــآآآآآنـكـ آخوي صـــآلح ..

مبــدع الله يحفظكـ ..

تحيـه وتقــديـرـر

وعليكم السلام ورحمة الله وبركاته

وش تبينا نقول بعدها يا صالح؟؟؟؟

لكن الله يعطيك العافيه ويبيض وجهك نهار تبيض وجوه وتسود وجوه

وهذه هي هذيل وهذا جزء من مفاخرها التي لا تعد ولا تحصــــــــى

صح لسانك صح لسانك صح لسانك

ياسلام كفيت ووفيت يا صالح
صح لسانك ولاهنت

بيض الله وجهك يابو دخيل الله وصح لسانك

علي بالحرام إنك فارس الفرسان
لاهنت يالغالي وهذيل تستحق كل هذا المدح وأكثر

أسعدتنا بهذه الرائعة التي سمعتها منك قبل كذا وكل مرة أسمعها أو أقرأها أزداد
فخراً بها وبصاحبها

الله الله


صح لسانك يا أبو دخيل الله مدد بلا عدد


وبيض الله وجهك


قصيدة من أجمل ما سمعت في الفخر


لا خلا ولا عدم منك يا شاعرنا


دمت للإبداع