قصة وقصيدة حلووةة لاتفوتكم ؟؟؟؟؟

قصة وقصيدة حلووةة لاتفوتكم


يقولك هذا رجل حب له مره وبغى يتزوجها ، المهم راح يم ديرة المره ولقاها متزوجه ، وضاق صدره ، ورجع
الرجال يم ديرته وقال هالقصيدة ، حيثه شبه نفسه برجال مهرب ومسك المهرب وتبهذل



والبقية بالقصيدة


القلب كنه بالسكاكين يشعط
والروح مفجوجـه كما فج الاصباح

ياتل قلبي تلة الجمس مع خط
وياحن قلبي صيحة السير لاصاح

مع نقرتن قدمه تغاريس واهبط
شرار شكمانه تقل ضوح قداح

عليه حملن بالشناكير يربط
ومهربن حمله هراوين واسلاح

خايف على عمره وحمله ومشتط
ان مسك راح الجمس واللي معه راح

ناظر وشاف الجمس مع ايسره نط
خفر السواحل عندهم شرطة كفاح

قالوا توقف مار ماطاع غبط
زاح الونيت وروح الجمس وانزاح

بثنين والثالث على الجمس يشحط
وان عد طبلونه عطا الجمس وارتاح

خفر السواحل كلموا قدمه نقط
مراكزن صكة على قدم الاجناح

الدرب قدمه يوم حيصر تورط
ماعاد يمديها مع الدرب مصفاح

صكوبهن مع كل صوب وتلخبط
واطلق عليه النار مع كل الاشباح

مع بابه الايسر ضرب عرض واغبط
صوب وطاح وطاح عن همته طاح

كلبش وحط القيد في رجلها حط
ودوه للتحقيق واسلوب الايضاح

عقب العصا والسجن والفرش والبط
دانوه بالترويج وافساد الارواح

وحكم عليه اعدام بالسيف الاسلط
وصدر قرار الحكم في بيض الالواح

تقسيم ميم ودال بالامر يضبط
في ساحة المذبح تولاه ذباح

قدمه شرط وواقفن قبله شرط
وجه نواح ومثلها وجدي نواح

عليك ياوجدي يابو عنقن انوط
اول صبرة وكمل الصبر وانباح

لو ان مخلوق على الصبر يغبط
لكان صبري جاب لي كل الارباح

نصيت من قرنه على المتن يمشط
نكست لاشفته ولا ضالمي لاح

ارضه بياح ويكشف الجمس لاقط
والارض تفضح واكثر الناس فضاح

ولاعندهم منهو بوضعي توسط
ومضرين نفسه على كسب الامداح

ضاقت بي الكورة كما خرق مخيط
واضوق من السبحه على سلك مسباح

ماذوق حلو النوم والجفن ماغط
سهران والله ماتهنيت بامراح

عدي عضيض السو من ناب الارقط
لاكض بانيابن تقل مضرب رماح

اول سبحت مع الهوى شط مع شط
واليوم غرقني عقب مان سباح

وسلامتكم

[align=center]المهاجرة

يعطيك العافية

على هالقصة والقصيدة[/align]

مشكور سمو العز (الله يرج سموكم)
هههههههههههههههههههه

مشكور مرة اخرى

مسكين الله يعيته

بس عيب القصيدة انه اطال في وصف الجمس وراح يصف حاله مع خفر السواحل مما جعل القارئ ينسى مغزى القصيده والهدف منها



مشكورة يا المهاجرة وفقك الله

[align=center]والله قصة وقصيدة تقطع القلب

عساك على القوة مهاجرة

تحياتي لك

رهيف الاحساس[/align]

الشكر والثناء والعرفان على هذه القصيدة المحزنه

[align=center]تسلمين على هذي القصة والقصيدة

يعطيك العافية

أختك شموسة[/align]

مشكورة يالمهاجرة وراعي القصيدة شكل عنده خبرة فالتهريب
ههههههههههههههههههههههههه ههههههههههههههههه

المهاجرة

يعطيك العافية

على هالقصة والقصيدة