محاولة غزل!!

السلام عليكم ورحمة الله وبركاته

هذه محاولة لي في الغزل وأرجو أن تنال استحسانكم

[poem=font="arial,5,,normal,normal" bkcolor="" bkimage="" border="none,1," type=0 line=0 align=center use=ex num="0,"]
يا بعد كل غالي لا تزيد الغياب = شوف حالي براه الحزن عيا يطيب
سته اسنين مرت في جفا و اغتراب = والضلوع المحاني بينها ما تغيب
كان بعدك حبيبي لذ لك و استطاب= صاحبك ما يجيه النوم واصبح شحيب
صرت انا اطرد خيالك كني اطرد سراب= كيف ابطردخيالٍ ما يجيني قريب
العرب قالوا انه ما يشيب الغراب = والذي شاف حالي قال لازم يشيب
شوفتك مطلبي خليني ارجع شباب=وانته العمر كله والدواوالطبيب
كنت في الحلم ترقى بي في متن السحاب= يوم كنا سوا فالحلم ذاك الرهيب
ودي اغمض عليك الجفن ستروحجاب = تهتني في منامك وسط عين الحبيب
تسهر العين لاجلك ياعزيز الجناب = والعيون السهارى حظها نوم ذيب
فقت من نومتي والحلم عود شهاب = مثل سهمٍ نزل فالقلب واصبح صويب
قمت ادور لطيفك بين كل الثياب = غرفتي موحشه ما كني إلا غريب
أثر بيني و بينك ياحبيبي ضباب = والطريق الموصل يا حبيبي صعيب
بيننا من ظروف الوقت عشرين باب = كل بابٍ عليه المنع باكبر صليب
يالله إنك تجمِّع بيننا فالتراب = كان مانجتمع،يالله عسى تستجيب[/poem]هذا ولا أستغني عن آرائكم