( يا هنوف تربعي وسط الخفوق**دام سكنى مثلك فقلبي حلال)

السلام عليكم ورحمة الله وبركاته


هنوفة اشتكت من ضيقها وفز هجوسي يواسيها .. ويقول لها ناظري بقلب راعية القصيدة .. تمقلي به .. ولا عرفتيه .. قولي ( ما تهاب والصبر >> نبض وعروق )..

[poem=font="arial,5,#ff0000,bold,normal" bkcolor="" bkimage="" border="none,1," type=1 line=1 align=center use=ex num="0,"]
يا هنوف تربعي وسط الخفوق=دام سكنى مثلك فقلبي حلال
ولا صدفتي جرح و أحزان و حروق=لا تقولي دمعها في يوم سال
استري نبضات قلبٍ له شفوق=و قومي ضلع ٍ من الزفرات مال
واقطفي طيب المعاني من العذوق=وافرشي من رمش عيني لك ظلال
و اكتبي من محبرة دم العروق=حرف قافي فوق صفحات المحال
و انشدي عن سبة جروحٍ تفوق=ما سمحت إلا لشخصك بالسؤال
عقب ما ناحت حمامينا بشوق=يقفي المقفي .. و لا قلنا تعال
ما حرمت النفس من طيب الغبوق=كود من عز ٍ رقى بي واستطال
ما أذل النفس و الهامات فوق=ولا أدنس سمعة قروم الرجال
روس ربعي ما تثنى ولا تبوق=وراس اخوي يعانق لشم الجبال
يا مقفي كل صبح وله شروق=و لا تضر الصبح دورات الليال
ترعد الأمزان و اتلوح البروق=و يندثر سيل المعاني فكل جال[/poem]