تحذير ..! - ::{ مجالس قبيلة هذيل }:: موقع يهتم بتراث القبيلة ومفاخرها

06-02-2009, 02:52 AM

[ALIGN=CENTER]
السلام عليكم ورحمة الله وبركاته

مسااااااااكم الله بالخير جميعاً
هذا تحذير جاني علي الإيميل وحبيت تطلعون عليه
صحيح يدعو للضحك ..ولاكنه منطقي في بعض الأمور ..! أمحق من منطق
وهو معنون حسب ماجائني بهذا العنوان
أتـركـ مقيآس ريختر .. إذا هج التيس لا تجلس هج ورآه !
من يوم ما بدأت الهزات في حره
( لونييراللي اول مره اسمع عنها العام وكنت احسبها في فرنسا )
من يوم ما بدأت الاحداث وان فيه زلازل وبراكين تبي تثور قلت ياولد لازم تتابع
وش صاير ولا الصراحه اني انا والاخبار مانتفق .لكن الوضع غير
كل ما اقابل واحد يقول حسيت بالزلزال اقول
لا جاتكم هزه لا ما حسيت اليوم لا .وبعضهم قال لي صحتني الهزم من النوم ماحسيت فيها
قلت مدري يمكن حسيت
والحمد لله. ان الاحساس عندي شوي ضعيف لان رده فعلي عند الخطر ماش
ما تجمل ..يثور البركان ويطفي وانا راقد والحمدلله على هالنعمه .
المهم اني صرت اتابع النت والأخبار ولقيت اخبار لاهي على البال ولا على
الخاطر اشكال والوان وصور ودروس جيولوجيا وكيمياء وطب وهندسة
اللي يقول بكره البركان واللي يقول نار ودخاخين .
واللي يقول فيضان وانهار متفجره وابيار تطبخ
وغاز الراديو والكبريت
وغاز H3N1 يتحد مع VHS يطلع رماد يعمي اللي على بعد 200 كيلو
وعلوم مالها اول ولا اخر .
وصراحه لقيت المنتديات اللي استغلت هالفرصه لزياده التسجل صايره ميدان معارك وميدان دعايات وترويج
للصحف ورسايل الجوال .حتى منتديات خارج السعوديه كاتبه اخبار مدري من وين .
رحت لمواقع الصحف ولا الوضع مثل النت .كل صحيفه تحلل على كيفها .حتى ان بعضها حدد ساعه
انفجار البركان ومنين وكم كيلو النار بتوصل ,!!
والجيولوجيين ذكروني بمحللين الاسهم قبل وبعد انهيار السوق هزه بدرجه 3 على عمق 8 كيلو وهزه
على ارتفاع 4 كيلو بميزان رختر على صفيحه ساخنه تحت القشره الصلبه الموجوده
في الحزام القاري جنوب شمال
البحر الاحمر .........دخت

.
دخلت موقع هيئه المساحه الجولوجيه السعودي

.لقيت مالهم شغل شغلتهم اكتشاف معادن بالانقليزي
مالهم شغل بالبراكين وحره

دخلت مواقع الزلازل الاجنبيه شي روسي وشي بريطاني.وشي امريكي .ومالقيت الا دواير حمر وصفر

ذكرتني بشهاده ثاني متوسط .ورموز وارقام وخطوط طلاسم دمعت عيوني وما فهمتها.

جبت قاروره ماء صحه وحطيتها قدامي .قلت لا شفت الماء تحرك .هذا زلزال .لكن غلطت وشربتها.

المهم قلت لازم القى طريقه موثوقه اعرف فيها الزلزال او بمعنى احس فيه.حتى اللي يقابلني اقوله حسيت
بالزلزال وبدرجه 3.345 على مقياس رختر .
لكن من وين اجيب ميزان رختر هذا .دورت عليه قالو
ما ينباع هنا ....يمكن لو تطلبه من اليابان احسن .
وانا ادور ميزان رختر في النت .لقيت شرح وصور له .وانه بسيط تقدر تسويه بنفسك .
مايحتاج الا .سسته او زي ماهم كاتبين زنبرك .وثقاله.وقلم .وورقه.

افااااا .بس هذا وانا دايخ ادور
باشتريه.يخسا رختر .الحين اضبط واحد في دقايق .واماهي الا لحضات الا رختر شغااال
وصرت اراقبه رغم اني ماشوف له فايده الا انه يوضح انه صار زلزال لكن مايحذرني قبل

طيب والحل .تذكرت اني قريت في بدايه الاحداث واحد كاتب ان الحيوانات والدواب صارت تهج من منطقه
الحره .وقابلت واحد قاللي الصيد هناك تمسكه بيدك .واسوي بحث في النت لقيت هالموقع اللي اعطاني
الحل لا وموقع الماني اصلي ومترجمينه لنا بالعربي لتبادل المعرفه .قلت ان شاء الله نترجملكم موقع
الهيئه الجيولوجيه حقنا قريب للغه الالمانيه حتى نفيدكم .

لكن هم حاطين فيل ماعندنا افيال .عندنا بعارين ..اكيد تنفع .وقلت بشتري بعير
بس وين اوديه .احط بعير في البيت !!!.وبعد تفكير وبحث عميق استقر الاختيار على شراء
تيس

التيس من الحيوانات مرهفه الحس .اكيد انه بيحس بالزلزال بدري ويعطيني اشاره الاخلاء ! حتى
قبل ميزان رختر اللي في الحره
خاصه ان عليه صوت رخيم مميز .يتغير بتغير مزاجه .والدليل ان صوته عن طلب الشعير غير
صوته عند التزاوج .
كما ان التيس لايعرف الاشاعات .وليس له مصلحه في اعطاء اخبار غير صحيحه او قول غير مؤكد
احاسيسه صادقه .لذلك فهو ثقه
ونصيحتي لك عزيزي المواطن .ان تشتري تيس.ويفضل ان يكون من منطقه الزلزال
لحداثه خبرته بالزلازل .وان تقوم بمراقبته

واذا هج التيس...هججججججججج معه .

الله يكفينا شر الكوارث والفتن

ويهدينا لما فيه الخير والصلاح

تحيآآآآتي لـــ kــم

[/ALIGN]

06-02-2009, 03:00 AM

ههههههههههههههههههههههههه هههههههههههه

لا تعليق

الله يعطيك العافية

تحياتي واحترامي

06-02-2009, 04:23 AM

ههههههههه

اثر يوم تويسات الحره جايتنا طفيح

اثرها هاجه من الباثر اللي سامعتبه

موضوع يهول العقل

سلمت يابث

06-02-2009, 10:32 AM

[align=center]


	المشاركة الأصلية كتبت بواسطة الكيميائي


	ههههههههههههههههههههههههه هههههههههههه لا تعليق الله يعطيك العافية تحياتي واحترامي

الله يعافيك ومن شرالزلازل والبراكين يكافيك

ليه لا تعليق .. !

أنت المفروض يكون لك إضافه وتسهب في الشرح بعد يالكيميائي

أسعدني مرورك العطر

تحياتي لك

.[/align]

06-02-2009, 10:48 AM

[ALIGN=CENTER]


	المشاركة الأصلية كتبت بواسطة فارس الصحـراء


	ههههههههه اثر يوم تويسات الحره جايتنا طفيح اثرها هاجه من الباثر اللي سامعت به موضوع يهول العقل سلمت يابث

هههههههههههههههههههه

الله يسعد أيامك يبو دخيل الله

ربك يخارجنا وبس لا ويقلك فيه كوكب يطلق عليه (الكوكب X)

يبنهى العالم بعد ثلاث سنوات

إشاعه يتناقلها الناس واليوم تكلمت فيه إحدي الصحف مأدري اللي يصدق

بهذه الأمور يؤمن بالله حق إيمانه

وللإطلاع على التفاصيل

هناء

الشاهد أن فيه ناس وأنت والقارئ بكرامه التيس أحسن منه بكثير

أشكرك فارسنا على المرور والتعليق الجميل

ولك كل التحايا والتقدير
[/ALIGN]

06-02-2009, 11:27 AM

ههههههههههههه

يااااارجاال والله واناا اقرى على باالي في شي حقيقي

طلع هههههههه

والله فكره بس انا ويين والزلازل ويين يعني حنا بالرياض

لكن الله على كل شي قدير ___ واسم الكوكب الجديد __ استغفر الله بس __ يااكثر الإشاعات وكل شي بيد الله

ياشين الفلسفه

الله يعطيك العاافيه

06-02-2009, 11:43 AM

[ALIGN=CENTER]


	المشاركة الأصلية كتبت بواسطة عجلآني هذلي


	ههههههههههههه يااااارجاال والله واناا اقرى على باالي في شي حقيقي طلع هههههههه


	والله فكره بس انا ويين والزلازل ويين يعني حنا بالرياض


	___ واسم الكوكب الجديد __ استغفر الله بس __ يااكثر الإشاعات وكل شي بيد الله

والنعم بالله


	ياشين الفلسفه


	الله يعطيك العاافيه

الله يعافيك وشاكر مرورك

[/ALIGN]

06-02-2009, 11:56 AM

لا فعلا هذا الكلام

قرأت قبل ايام موضوع للخبير الفلكي الدكتور خالد الزعاق

وهو ممن قامو بتركيب جهاز رصد انبعاات الغازات بالقرب من مركز زلزال العيص

احدى الصور تتحدث عن سلوك الثعابين قبل واثناء الهزات

والله يا محاوسها انه شئ يهول

لذلك فالحيوانات لديها حاسة استشعار قويه جدا

واللي شاف " فلونه " يعرف هالشئ ههههههههه

06-02-2009, 05:57 PM

فلونه هههههههههههههههههههههه ضحكتني

بث ما اقصد فلسفتك اقصد فلسفة النااس واشاعاتهم الي ماتخلص

هخ هخ

06-02-2009, 10:00 PM

[align=center]


	المشاركة الأصلية كتبت بواسطة هذلي والفخر لي


	لا فعلا هذا الكلام قرأت قبل ايام موضوع للخبير الفلكي الدكتور خالد الزعاق وهو ممن قامو بتركيب جهاز رصد انبعااث الغازات بالقرب من مركز زلزال العيص احدى الصور تتحدث عن سلوك الثعابين قبل واثناء الهزات والله يا محاوسها انه شئ يهول لذلك فالحيوانات لديها حاسة استشعار قويه جدا واللي شاف " فلونه " يعرف هالشئ ههههههههه

هههههههههههههه

الله يسعد أيامك أبو بسام مرور رائع

وإضافه مميز كالعاده

وفعلاً الحيونات تستشعر بأشياء لا نحس نحن البشر بها

وهي من نعم الله التي لا تحصى

نورت المتصفح بمرورك ياقمر

تقديري وإحترامي[/align]

06-02-2009, 10:06 PM

السلام عليكم ورحمة الله وبركاته

يابث يابث

انا اول الموضوع قلت : اخس يا انشتاين ،،واخرتها ... تبينا نشتري تيس !!

هههههههههههههههههههههههه

تحية طيبة ايها الرائع

06-02-2009, 10:17 PM

[ALIGN=CENTER]


	المشاركة الأصلية كتبت بواسطة عجلآني هذلي


	فلونه هههههههههههههههههههههه ضحكتني بث ما اقصد فلسفتك اقصد فلسفة النااس واشاعاتهم الي ماتخلص هخ هخ

ولو تقصد فلسفتي نو بربلم

ليتني أعرف >> يجيب العيد على طول

هغ هغ

تحياتي ..[/ALIGN]

06-02-2009, 11:17 PM

[align=center]


	المشاركة الأصلية كتبت بواسطة عماد الهذلي


	السلام عليكم ورحمة الله وبركاته يابث يابث انا اول الموضوع قلت : اخس يا انشتاين ،،واخرتها ... تبينا نشتري تيس !! هههههههههههههههههههههههه تحية طيبة ايها الرائع

ههههههههههههههه

قول خير يصدقون تطير أسعار التيوس

الرائع مرورك أخوي عماد الشعر

تقديري وإحترامي

[/align]

06-02-2009, 11:44 PM

هههههههههههههههههههه
والله روعة
من بكرة أبشتري لي تيس مافيها كلام
بصراحة مصدر ثقة ولايمكن يكذب مثل بعض الصحافة والقنوات

التيوس طارت أسعارها قبل نسمع بهذه الفايدة اللي لها كيف عاد الحين ؟؟؟

يمكن يصل سعر التيس لعشرات الألوف أو أكثر

06-03-2009, 02:45 AM

والله إن حنا ما نقدر التيس

الحين هو ينبهنا من الزلازل

واحنا في الاخير ناكله

ههههههههههههه

موضوع جميل يا بث كمواضيع السابقة

لاتخلو من الفائدة والفكاهة

بث تجريبي أنت الآن بث مباشر وحصري وباشتراك بعد

وألف مبروك على الترقية

تحياتي لك