زهم للشاعر حامد الندوي

يامرسلي سير من مكه وتاصل ليـا دار العزيزيـن

ربعي ندى اللي تشرفني ونفخر بها ماضي وذا الحين

أهل الشجاعه وقوم المعرفه والكرم في العسر واللين

دخيلها تنثني دونـه ولا تاصلـه حتـى الشياطيـن

والمدح في عزوتي يرقا وبإمكاني املا لي دواويـن

لكن ودي اختصر فيها على شآن تفصيل العناويـن

سلم عليهم سلام اسلام وخيـر مانبـدأ بـه الديـن

وانشد ليا غاب واحد ماحضر للصلاة مع المصليـن

ووصل الغذر يامرسولنـا للصغـار مـع المسنيـن

اللي حصل شيء عفوي ماقصدنا نميل في الموزيـن

مير المنافق يبا يصنع مشاكل تجـي مابيننـا بيـن

اهل النميمه مدبلج هرجهـا كنهـا افـلام الكراتيـن

واللي حكمنا له ابيض وجه سامح ولا يطلب ولا دين

واللي بقي في ضميره شيء يبشر وانا جايه بتثميـن