عبيدالله الهذلي وملفي الجز الثاني

بسم الله الرحمن الرحيم
[frame="13 10"]


[frame="13 85"]

عبيدالله الهذلي

يامرحبا في حفل شيخٍ ما تضايـق بالحضـور

شيخ الشيوخ اللي مجمـل حفلتـه وحضورهـا
وين انت يل أن ثقلة الحمله على الحمله صبور
وين انت يلي تقتـدي باهـل الكتـاب ونورهـا

ملفي المورقي

الك البقا في الليله اللي كلهـا افـراح وسـرور
والله يديـم الكـل نـاس افراحهـا وسرورهـا
ذكرتني يا صاحبـي هـاك الليالـي والشهـور
لو انهـا يـا صاحبـي قفـت وقفـا دورهـا

عبيدالله الهذلي

الله يبارك فـي الليـال اللـي لهـا مبـدا ودور
والله يبـارك بالرجـال اللـي تقـوم بدورهـا
لشهد على ما قلت قالو الناس ذا شهاد زور
والصين من كثرة مصايبهـا تشطـب سورهـا

ملفي المورقي

راع السفينه يوم حول وسـط غبـات البحـور
مدري غطاه الموج ولا الميـد مـن ماطورهـا
ياذيب وش حصلت من بين الذيابـه والنمـور
يوم السباع الضاريه تشبـع وتتـرك سورهـا

عبيدالله الهذلي

اللي يربـون القطـا واللـي يشـوون الصقـور
ما اجلس مجالسهـم ولا ادور رضـا مامورهـا
حصلت في دربي يابن مزيد ثلاث امن الصخـور
والله لحملهـا عتيبـه مـا تحمـل جـورهـا

ملفي المورقي

كم فارسٍ يغزي وينكف لا جـروح ولا كسـور
لو الجياد الصبح في الغـاره عطتـه انحورهـا
انـا احسبنـك ياعبيـدالله بخيـصِ فـالامـور
عمالٍ بن لادن علامـك مـا دهنـت سيورهـا

عبيدالله الهذلي

والله لاما تركي مربيكـم علـى لحـم الجـزور
يا ديـرة العتبـان امنكـم لا تضيـق قبورهـا
حاولت ياملفي وحصلت العرب عميـان عـور
الله لا يبلشنـي بعميـان الرجـال وعـورهـا

ملفي المورقي

لا تحسد العتبان والنعمـه تطاهـا فـى القـدور
اصدوركم في ضيق والعالم وسـاع صدورهـا
ما تاخذ الرخصه ما دام اعدمت اشارات المرور
ضباط دلـه مـن تدابيـرك جرحـت شعورهـا

عبيدالله الهذلي

ماني بحاسدكم مـدام الـزاد بايـت ومخشـور
وحنا الـذي قـدام ماتخلـق وسمنـا زورهـا
اهم شي إني يابن مزيـد علـى دمـي غيـور
ولا انت ما بشـرت بنهـار الجنـان وحورهـا

ملفي المورقي

انته خشيري ميـر لا تقعـد تلـف ولا تـدور
لكـن لقمتـك الكبيـره سـكـرة حنجـورهـا
من مات ماتنشر عظامه غير في يوم النشـور
وانته بعدت امن المقابر عقب كنـت اتزورهـا

[/frame]

[/frame]