الشاعر طلال الرشيد رحمة الله قال هذا الابيات (يازمان الذل) عند سقوط بغداد

[align=center]الشاعر طلال الرشيد رحمة الله قال هذا الابيات (يازمان الذل) عند سقوط بغداد

وربما تحاكي واقعنا مع ما نشاهده اليوم في فلسطين


للاستماع على هذا الرابط
http://www.dwaihi.com/poem/29tl3.ram

اتمنى ان تعجبكم فهي تعبر عن واقعنا وما نشاهده من ظلم
واعطاء الضوء الاخظر للعدو الصهيونى

يا زمان الذل.. زل..
ما بقى في الناس شيمه
وما بقى للعدل خِل
ومن كثر ما حنا صغرنا
صرنا حتى بدون ظِل
صرنا ما نملا المحِل

صرنا أمه تحتقرنا
كل أرذال الأمم
لاتصدق ياعزيزي
بالعروبه والقيم

يازمان الشيخ بوش
يكفي هزأت المبادئ
يكفي أحرجت العروش
الكرامه يا طويل العمر
ما تكفي النعوش

يا زمان البيت الابيض
إنت مالك أمر يرفض
تبغى هذا الدين أطول
تبغى هذا الشرع أعرض
إنت إكتب وإحنا نحفظ
يا زمان البيت الابيض

مو غريب
لو نَحَسْب الخبث طيب
ومو غريب
نصرخ ولا من مجيب

مو غريب
لو يكثر أعداد الأرامل
في بلاد ما ترضى الهوان
وحكومة ما تعرف تجامل
ومو غريب
لو تعتبر حتى عصا الكهل العجوز
أسلحة دمار شامل

يا زمن نهب المتاحف
جانا جيش الحقد زاحف
جتنا العلوج الزواحف
فتشوا حتى العقول
وأسلحتنا في المصاحف!!
يا زمن نهب المتاحف

يا زمن أمريكا شكراً
أنتزعت الأقنعه
إنت ازلت الأقنعه
وانكشف وجه النوايا
واتجاه الاشرعه

ما نصدقهم خلاص
وما بقى من نسمعه
كل ذولا إمعه

بس خلك مستريح
الصحيح
يوم هب الحقد من واشنطن ولندن
كذب باسم المسيح
الكل فضّل ينحني
وبغداد اختارت تطيح

يا زمان الازمنه خليك شاهد
إحنا مو ناقصنا واحد
هو صلاح الدين
احنا ألف مليون واحد
هم صلاح الدين
حنا بس بعيب واحد
هو.. فساد الدين

يا زمان الذِل حِل
قلت لك مالك محل
الا بقلوب الاهل[/align]