خذ فنجال وعلوم رجال

هذه أبيات مختارة من بعض قصائد الشعراء القدامى في القهوة العربية

1- يقول أحد الشعراء:-
قم سو مايجمد على الصين ياذياب ##### بدلال يشدن البطاط المحاديب
احمس ليا من العرق فوقها ذاب ##### واستدن مايجذب عليك الشواريب
نجر يصيح لشارب الكيف نداب ##### طقه على طول الدهر في المواجيب


2- ويقول آخر:-

قم يافهيد وشب ناراً كبيرة ##### واضرم عليها من الحطب لين تعتز
ناراً لها مع طلعة الشمس نيرة ##### ليا شافها العمسان عقب العمى فز
وهات الدلال وحطهن بالحضيرة ##### واجذب لها جمر الغضى واترك القز

3- ويقول آخر :-

لادك فب قلبي من الهم هوجاس #### حطيت فوق النار زين المحاميس
وحمست مايجلي من الهم وعماس #### بن من النيبار يجلي الحواسيس
لاذاقه اللي من عنا الوقت محتاس #### من لذته تنجال عنه النواحيس

4- ويقول آخر :-

دنيت لي من غالي البن مالاق #### بالكف ناقيها عن العذف منسوق
احمس ثلاث يانديمي على ساق #### ريحه على جمر الغضى يفضح السوق
إياك والنية وبالك والإحراق ##### واصحى تصير بحمسة البن مطفوق