حدايا السالمي في السيل الكبير

بسم الله الرحمن الرحيم

السلام عليكم ورحمة الله وبركاته

هاتان الحدايتان الأولى منها لأحد شعار قبيلة الثبتة من عتيبة ،

والرد من الشاعر أحمد بن عبدالرحمن السالمي

وكان(جدي) حامد بن عبدالله السالمي نازل عندهم في السيل الكبير

وباني استراحة وبينهم من الجيرة والوصل والعلوم الغانمة الشيء

الكثير ، وقد قيلت لدى تشريفهم له في إحدى المناسبات :



الشاعر الثبيتي :

[poem=font="traditional arabic,7,darkred,bold,normal" bkcolor="transparent" bkimage="" border="outset,3,teal" type=0 line=1 align=center use=ex num="0,black""]
سلام يا جار مجاورنا ونازل في وطنا=ماهو بدوبه له سنين اطوال وبيوته تبنى
يابوحميد السالمي يا حامد انته صرت منا=اخوان في الإسلام والأنساب من عهد الجدود

والثانية مبروك نور جابنا منا ومنا=أفراح للي من بعيد ومن قريب انتم وحنا
تنشر لك الباضا عدد طلع الثمر من كل فنا=البيض تنشر لك من المشرق ليا غرب الحدود

والثالثة حنا العرب وأهل الثلاث البيض حنا=جار وخويّ وضيف تحماه الوجيه إليا زبنا
وإن كان وليا شاعر الهذلان ما يعرف لحنا=جارك منيع الله يغلق في الصوادر والورود
[/poem]




وكان الرد من الشاعر أحمد بن عبدالرحمن السالمي :

[poem=font="traditional arabic,7,darkred,bold,normal" bkcolor="transparent" bkimage="" border="outset,3,teal" type=0 line=1 align=center use=ex num="0,black""]
يا مرحبا رحب السحاب إللي له أرعود تدنا=لا هلْ وبله سال سيله بعده المسني تهنا
يارحامنا جيراننا العتبان أهل هيل وبنا=يا مرحبا بعداد مطلاع الثمر في كل عود

والثانية جيتم وجانا النور يازبن المجنا=وأنتم مقابيس الظلام ولا بكم شك وظنا
ولولا منيع الله وربعه يعلم الله ما سكنا=والله يديم الأمن والإيمان في حكم السعود

والثالثة ما تصعب القيفان لو قلتم وقلنا=حنا لسان الشعر وَهْل المعرفة من عهد اهلنا
واللي يميز في الشعر يا ربعنا يعرف ثمنا=وأنتم ركون الشعر وحنا للشعر مثل العمود
[/poem]

تحياتي وبالغ تقديري للجميع ،،،