قصيده مهداه لسموي الكريم

اقدم لكم هذه المشاركه وهي عباره عن قصيده من الشاعر(عابد بن حامد السالمي الهذلي)
ويهديها الي عبدالله مضيف البشيتي الطلحي ويقول فيها السالمي

بديت والهاجس على البال موجود * وانهل مثل الغيث لأهـل وبلـــه
وبل غزيراسقا الشجرواثمر العود * وحكمت طاروقي بنقضه وفتله
سـر يارسيلي وابذل عزوم وجهود * وانصا لعبدالله البشيتي وقلــه
ســـلام مني عــد ماهــبت النــــود * مقدار والمقدار يعرف محلـــه
سلام يارجل(ن)به الجود موجــود * والعز سلمه والوفاء عادة له
صاحب وله في قمة المجد مقصود * يمشي على شيمه ومذهب ومله
عضــيد جنبي ســـيف بتار محدود * لاجاله المضهود ياقف من اجله
اطبوع ذخر العود من مذهب العود * نسل العوارف كل صعب يحلــه
مضيف له تاريخ واضح ومشهود * يوم(ن) كل انسان يعرف بفعلـه
راعي الكرم والمعرفه كاسب الزود * مرحوم أبو عقب ولد حر مثلـه
ماهو كما اللي يجمع البيض والسود * وانا اشهد انه حـر ماغير اصلـه
ابومضـيـف اللي جـــلا كـل منــقـود * والضيف له ترحيب وافي ودلـه
وذبح السمان وفزعه لكل مضهود * في بيت عامر ماحصل فيه خله
ماضي وحاضر بيت معمور بالجود * كم ضيف كرم به وضلل في ضله
يوم ان بيت البخل لاشك مهـــدود * يهدم على راعيه من زود بخلـه
لاكن ياعبدالله ترى الزرع محصود * اللي فعل طــــيب يلاقيه قـــبلـه
والضايعه مابــيـن ناشد ومنشـود * باسبابها الطرقي فقد درب رجله
اقولها وارسم لـها حــد محــدود * وانا من أهل العز والعز لأهله
ربعي بني سالم لها افعال وشهود * واهل المذاهب يوم كل(ن) بدله
ويوم الغزو مابين طارد ومطرود * شب(ن) وشايب مارضوا بالمذله
وهذيل ربعي كلها نمور وأسود * حماية الميقاف عن كــل هزلـــه
واختـم بذكرك ياألهي يامعــبود * وعلى النبي يارب سلم وصلـــه
عدالخيال اللي به بروق ورعود * واذا زهــم رعـاد ينهل وبلـــه

السلام عليكم ورحمة الله وبركاته

والله القصيدة جميلة لكن لا اعلم لماذا اخلف الشاعر قوافيها....وبّله وفتله.....ليست مثل قِله،، ومحله..وعادةٍ له.....تختلف اختلاف كلي،،،،ربما أشكل عليه الام والهاء في اخر الكلمة،،، لكن النطق يوضح الخلل.

لاهنت، اخي عبدالله ،، تستاهل الطيب والمدح ....ونعم بالمادح والممدوح،،، لكن اسمحلي أنقل القصيدة لسببين:

الأول كما أوضحت لك ،،الخلل في القوافي...

والثاني...أن القصيدة منقولة،، وقوانين المجلس تفرض علينا نقل أي قصيدة ، منقولة.

نتمنى نشوفك جديدك،، وحياك الله

تحية طيبة

وعليكم السلام ورحمة الله وبركاته

ونعم بالمادح والممدوح

مفرده رائعه جدا

ارق التحايا

صح لسان الشاعر عابد السالمي


وكل هذلي يستاهل المدح


بيض الله وجه المادح


وانت كفو للمدح اخوي عبدالله

وعليكم السلام ورحمة الله وبركاته

صح الله لسانه و غنم المادح و الممدوح

جزلة جدا

أما ملاحظة المشرف الغالي / عماد الهذلي
فلست معه فيها

لأن القافية على اللام و الهاء أرادها الشاعر و يحق له ( وجه يضحك )

أمل منك أخي عماد تقبل وجهة نظري

مع جزيل الشكر لكما

مضيف له تاريخ واضح ومشهود * يوم(ن) كل انسان يعرف بفعلـه
راعي الكرم والمعرفه كاسب الزود * مرحوم أبو عقب ولد حر مثلـه

انا اشهد انك كفو انت وابوك الله يرحمه تستاهلون المدح
صح لسان الشاعر عابد السالمي
قصيده جميله وفي محلها
تقبل مروري
فايز الطلحي

بارك الله فيك

وعليكم السلام ورحمة الله وبركاته

ونعم بالمادح والممدوح

قصيده جزله مبنى ومعنى متلازمة من حيث الشكل والمضمون

تقديري لك يالغالي ،،،،،

لاازيد على ماذكره عماد الشعر
قرأت القصيدة وكنت الاحظ هذا الإختلاف وكنت أود التنويه عنه لكن
عماد سبقني وكفى ووفا

القصيدة جميلة ونعم في المادح والممدوح

وعليكم السلام ورحمة الله وبركاته
الأخ عماد الهذلي شكرا على مرورك
وأما الأسباب التي ذكرتها
الأول عن القافيه والقافيه ليست مختلفه مع احترامي لوجهة نضرك
لأنها مرت بشعار محسوبين في الساحة ومن شاعر محسوب أيضا
والثاني لك ماشئت يامشرفنا

الاخوان,(بن عادي,هشام الهذلي, بيرق لحيان,فايز الطلحي, المشتاقه للجنه,صالح الكعبي)
اشكركم جزيل الشكر وبيض الله وجيهكم على مروركم.
اخوكم/عبدالله الطلحي

الاخ (ابوحمدان)
شكرا على مرورك
ولا ازيد على ماذكرته لعماد الهذلي
موفق بإذن الله ... لك مني أجمل تحية .

قصيدة رااااااااااااااااااااااائ عة
صح لسااااااااااااااااانك

السلام عليكم ورحمة الله وبركاته

شكرا لك أخي عبدالله على سعة صدرك ، وتقبلك لوجهة النظر بكل سعة بال.............أنت وجميع أعضاء المنتدى على راسي من فوق.

قضية أختلاف القوافي وجوزها من عدمها! أنا أقف هنا ... وياليت كل شاعر يمر يعطينا وجهة نظرة، الأمر لايتعدى إني بصراحة وصلني كلام كثير بجواز هذا الأختلاف، ويرى القوافي تعتمد على الرسم (رسم القافية) أكثر من نطقها.

ونريد أخذ أنطباع،،، كل شاعر ، لنتعلم جميعا، وأولكم أنا، لني أول مرة يمر علي هالشكل....


أما بالنسبة للنقل ، فكما اسلفت النقل ،، لكل منقول،، وهذا لايقلل بأي حال من الأحوال من القصيدة أو من قائلها، كل مافي الأمر أن للمنقول مجلس خاص، وللشعار المشاركين في المنتدى مجلس خاص,,فقط. ونريد الترتيب لا أكثر.


مرة أخرى صح لسانك قائل القصيدة، ونعم به وبك أخي عبدالله.

تحية طيبة

صح بدنك اخوي (صافي الروح)
مرورك شرف طال عمرك
موفق بإذن الله ... لك مني أجمل تحية .