الشاعر عبد الله الطلحي(عيب على شيب

[ماطر السويدي]

( عـيــبٍ عـلــى شـيــب )

[poem=font="arial,6,orangered,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
قديش تخدعني المظاهـر ولااتـوب =ماكنهامـرّت عـلـيّ التجـاريـب
كم واحدٍ يعطينـي الهـرج مقلـوب= وانا إعتبرته من خيـار الأصاحيـب
الفرق بين الناس في عقول وقلـوب= واسرارهم يعلم بهـا عالـم الغيـب
العين ماتكشف لك اللي ورى الثوب= كلٍ يظن ويخطـي الظـن ويصيـب
اللي يودّك مايـرى فيـك عـذروب= واللي شناك يحـط فيـك العذاريـب
إن كان ولينك من العقـل موهـوب =لاتستمـع لمروّجـيـن الأكـاذيـب
كم من حديثٍ قـد لقينـاه مكـذوب= على النبي اللي منزّه عـن العيـب
العبد فـي دنيـاه غالـب ومغلـوب= والعمر جـاري والليالـي دواليـب
يجمع مع الأيـام حسنـات وذنـوب= والستر ظافـي والعِبَـر بالعواقيـب
إصبر على الدنيا ترى الصبر مطلوب= وإستخدم الحكمه وحسـن الأساليـب
وإحذر تلجّ عواك في كـل عرقـوب= محدٍ بقايـل وش مسرّيـك ياذيـب
ولايعتريك الهـم والـرزق مكتـوب= مضمون لك مافيـه شـكٍ ولاريـب
كثر الطمع يدفعك راضي ومغصـوب= للبخل والعزلـه وتـرك المواجيـب
والنفس لاتارد على كـل مشـروب =حتى تورّدهـا لصافـي المشاريـب
لاتندفع معهـا ورى كـل محبـوب =وتعلقك في حبـال الآمـال وتخيـب
الناس قالوا كـل ممنـوع مرغـوب =والعاقل اللي يشغل النفـس بالطيـب
وإلياإمتطيت من الجهل كل مركـوب =ضاعت سنين العمر من غير ترتيب
إن كان ماتحسب ترى العمر محسوب= في كل يومٍ تطلع الشمـس وتغيـب
ولابد تطلع فيـك ميـزات وعيـوب =واقبح عيوب الرجل عيبٍ على شيب
[/poem]

نشرت بتاريخ 09-07-2004

العبد فـي دنيـاه غالـب ومغلـوب
والعمر جـاري والليالـي دواليـب
صح لسان الشاعر الكبير شاعر الحكمة
عبدالله الطلحي الهذلي
وشكراً على هذا النقل المميز

وعليكم السلام ورحمة الله وبركاته

صح لسان الشاعر وبيض الله وجهك شيخنا الفاضل ابو فهد

على هذا التوثيق الرائع..

وعليكم السلام ورحمة الله وبركاته

صح لسان شاعر الحكمه والله يطول بعمره

مشكور على النقل المميز يابو فهد

تقديري لك ،،،،،

الله وأكبر الله وأكبر

يظل عبدالله الطلحي معتلي قمة الشعر الشعبي بلا منازع
هكذا يكون الشعر وإلا فلا

لله درك يابو ناصر لله درك على هذه الدرر النفيسة


يرفع رابط القصيدة لتضم لروائع أبو ناصر في قمة التميز

مشكور أخوي ماطر وبيض الله وجهك على هذا النقل المميز

[ماطر السويدي]

الاستاذ ابو حمدان
شاكراًلك مرورك الله يعطيك العافية
ودمت على خير

صح لسان شاعر الحكمة

وألف شكر ياماطر على النقل

وعليكم السلام ورحمة الله وبركاته
كعادته الصقر لا يصيد الا السمين من المعاني الجميله التي لا ينطق بها الا / أبو ناصر .

الذي إذا ذكرت الحكمة ذكرت به .فكل بيت من ابيات معلقته تكتب بمداد من ذهب .

الـلـي يــودّك مـايـرى فـيـك عــذروب 000 واللـي شـنـاك يـحـط فـيـك العـذاريـب

يذكرني بقول الشاعر :

عين الرضا عن كل عيب كليلة 000 ولكن عين السخط تبدي المساويا

أستاذي الشاعر العم / أبو ناصر تقبل مروري بكل ود واحترام .

دمت لنا علماً من أعلام شعرنا .