نسايم نجد

[poem=font="arial,6,black,bold,normal" bkcolor="transparent" bkimage="http://www.hothle.com/vb/mwaextraedit2/backgrounds/2.gif" border="none,4," type=1 line=0 align=center use=ex num="0,black""]
أمانه يانسايم نجد روحي يارسول الخير=وودّي لي سلام للحجاز ومن سكن فيها
وخصّي بالسلام الصاحب اللي في صفاته غير=أمير الحور كل الحور اولها وتاليها
أمير العطف والرقه امير الطيب والتقدير=أمور الذوق لأهل الذوق ياخذها ويعطيها
تغير النسمه العذبه منه والورد منه يغير=قضب بيده سيوف الزين لحظه مايخليها
حوى كل الأصاله والفصاحه وأجمل التفكير=فرس نقوة سليل أفراس غالية مشاريها
ودانه من خليج الخير ماعن مثلها تخيير=قصر من دونها التجار ماحد جاب طاريها
وورده من ربا الطائف تمايل عند جال غدير=ومحميه من المرّار مايلمس نواميها
وفلّه من تهامه عطرت من حولها تعطير=شذاها يجلب المعلول لو همه يعانيها
وعوده عطرها بخّر جميع اللي حضر تبخير=عجز عنها جزيل الشعر وصفه مايوفّيها
دخيلك يانسايم نجد شدّي وأسرعي في السير=دخيلك لاوجدتيها بشوق ولطف ضميها
خذي منها العلوم وودعيها بأحسن التعبير=وخليها تروح الغاليه في حفظ واليها[/poem]