كيف مرت فرصة العيد دون معايدة

[poem=font=",7,darkblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
حن قلبي حن شاصٍ معشق بالدبل=طالعٍ له في جبل والحمولة زايده
الدبل مشبوك والقير الأول مافصل=حن من جور الحمولة وطلعة كايده
سايقه مايبصر الدرب قدام العجل=غير يسبر له مع الباب يوم يحايده
في يساره حفرة الموت ويمينه جبل=حرقت اعصابه ويبست على الطاره يده
يوم حن القلب ماحن من شيٍ سهل=فرصةٍ لاهي تهيّت ولاهي عايده
شفت لي جولٍ من العرق للفيضة نزل=جول صيدٍ حيل دونه وقلبي رايده
في طرف محميّة الصيد يمشي بالمهل=واثق إنه من ورى السور محدٍ صايده
مر من قدام عيني وعدا ماجفل=تابعته العين وتعلقت بالقايده
واعذل القلب المشقى ولاطاع العذل=كيف مرت فرصة العيد دون معايده
إن نزلنا داخل السور موتٍ محتمل=وإن نظرنا من ورى السور ويش الفايده[/poem]