ماكل من يركب على الخيل خيال ولاكل خيل تعجبك هي أصيلة

[ماطر السويدي]

سمعت من أحد الشياب بعض النصائح في مجلسه الامر الذي

لفت أنتباهي له. فاصغيت له الاستماع لكن أمتنع لماً عرف

عني توثيق مايقول وطلبت منه إجراء مقابلة لطرحها في

مجالس قبيلة هذيل الآ أنه أمتنع ولايريد إدراج إسمه

(عبر الانتر نت)وطلبت منه كتابة قصيدة أعجبتني

ووافق بشرط عدم ذكر إسمه وكان متردد حتى لماً

سالته عن مصدر القصيدة قال لي من برنامج البادية.

وهذة القصيدة تمت كتابتها على عجل أمل أنتكون

سليمة من الاخطاء ولا يواخذني أحد في ذلك.







ماكل من يركب على الخيل خيال
ولا كل خيل تعجبك هي أصيـله

ولا كل من يعجبك هرجه برجال
بعض العرب ملسون وايده بخيله

الكل يلبس ثوب وشماغ وعقال
وعند اللزوم افعالهم هي قليـله

الرجل تثبت له أقاويل بافعال
لاقال شئ ونفذه هو دلـيله

والرجل لاشفته مع القيل والقـــال
ابعد عنه هذا صفاته عليــله

والكذب خله عنك مافاد لو طال
قول الصدق ياصاحبي غنم وجميـله

وخلك شجاع وذي صفات للابطال
اللي كما سيوف تبارق سليـله

واللي شراك اشريه لو كان بالمال
خلك معه وان مــــــال دور بديله

واصبر ترى الدنيا تبدل بها أحوال
وما كل شئ صافي تشـــــوفه تجيله

وبعد الكدر تشرب صفا عذب وزلال
هذا الزمن فيه استــــقامه وميله

وصاحب خليل لو جفـا الوقت مامال
ترى الرجل يعرف بقيمة خليـله

واقفل على سرك بكتمان واقفال
بعض العرب يسمع و ينوي بحيله

وخلك أمين إذا توليت الأعمال
من خان في يوم الحشر يا حليله

خل التواضع فيك واضح بالافعال
ترى الكبر يردي بيوم وليـله

ولا تحسد اللي عنده اموال وعيال
وش ينفعك لو كان حـــسدك يزيله

ولا تزور تقلب الزين بطـال
الله عليم بالنوايا الدخـيله

وخلك رزين ترى المخفه للاطفال
واصفح عن المخـــــطي ولو زاد قيله

واحمل همومك لو تزن وزن آلآثقال
بكره تروح وتنجلي لو ثقـيله

وصل الفروض ولا تنسيك آلآشغال
محدن في الدنيـــــا درى وش بقي له

وزور آلآقارب للرحم كون وصـــــال
وخلك عظيم الشان وسط القـبيله

وصلاة ربي عد ماهل همـــــــــــــال
على النبي اللي صفـــــاته جليله
هذة القصيدة صرف النظر عن الجوهر

ولكن العبرة في المضمون أمل قراءتها

والتفاعل وانا طرحتها في قسم الرأي والرأي
الآخر للتفاعل ولكم مني تحية