هبت هبوب الشمال و بردها شيــــــــن ِ

[align=center][align=center] إختلف الرواه في نسبتها لـ
عبد الهادي الروقي أو فهد العجمي

****************************
*****************************

عديت في مرقب ٍ و الليل ممسينـــــــي

بديار غرب ٍ لعل السيل ما جاها

اضحك مع اللي ضحك و الهم طاويني
طية شنون الطلب لا سربو ماها

و راك ما تزعجين الدمع ياعينـــــــــــي

على هنوف ٍ جديد اللبس يزهاها

هبت هبوب الشمال و بردها شيــــــــن ِ

ما تدفي النار لو حنا شعلناهـــــــــا

ما يدفي الا حشا مريوشة العيــــــــــن ِ

و الى ظمينا شربنا من ثناياهـــــــا

ياشبه و ضحى فتاة ٍ دلها زيـــــــــــن ِ

داجت على عقلة ٍ و الورد ما جاهـــــــا

ياعل من شار بالفرقى عمى العيـــــن ِ

مخباط صمعا جليل الفخذ يشظاهــا

جعله حسير ٍ كسير و راكبه ديـــــــن ِ

و اتلى حلاله ذلول ٍ راح يطلاهــــــــا

تذكرت هذه القصيده في هذه الأيام بعد موجة البرد الي هبت علينا

... يعني لا نار تدفي ولا دفايه تدفي ... واحترنا معاه ...ومع الجو العجيب اللي مره برد ومره حر!!!!

والسؤال اللي يطرح نفسه :

وش نلبس ؟ صيفي ولا شتوي؟

تحياتي للجميع [/align][/align]