غزلية .. للدجيمااء ..!!!

بعد مارأيته من تحفيز من بعض الاعضاء .. حبيت اطرح هذه القصيدة بين إخواني وأتركها للنقد والتعليق ..!!

" المجاملة ممنوعة .. تأكدوا القصيدة للنقد البنّاء " ..!!!

[poem=font="tahoma,6,blue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
سرا ليل السعادة وانتحى واستادت الاحزان = على جوي من فراق الخوي والضحكة الحيه
رحل من غير يستاذن كتب اسطر تحت عنوان = ((وداعية عسانا يوم نتقابل وداعية))
اخذت اقرا كتاباته ودمعي يسيل الوديان = وانا ماسال دمعي له ثلاث سنين وشويه
رحل عني وخلاني وحيد اصارع الحرمان =اسير الوحده اللي متعبه فكري ورجليه
رحل عني وخلاني وقرر ينتسي ماكان = نسى كم مرة ياقع بها وتشيله يديه
نسى مرّ الحياة وحلوها ومصادم الازمان = نسى كم مرة صادمتها واصبحت انا ضحية
نسى كم ليلة ماذاق غير الخوخ والرمان = وانا ماذوق غير العلقم اللي زاد مافيه
نسى كم مرة يخطي ولايلقى سوى الغفران = ارد السية بحسنه واسامح واغفر السية
الا ياعين لاتبكين الا ياقلبي الولهان = كفى واللي رحل عنا مصيره يذكر الجية
مصير الوقت من جوره يوريه العذاب الوان = الين يذكره مافات واللي حاصلٍ ليه
كذا هو حال هالدنيا كذا هي عيشة الخلان = سنة فيها تعيش الصدق وعشر احلام وردية
وانا من بعد مابانت لي فعوله وغدره بان = ابا اعلن ماخفى في داخلي وابيح النية
اذاماكان وده يبدل اللي راح بالاحسان = معاي اليوم ماتفرق ترا ذيه ولاذيه
جبرني انتظر غيره واسطرله تحت عنوان = ((عساه يشوف ماشفته ويلقى كثرها مية))
[/poem]

السلام عليكم ورحمة الله وبركاته

صح لسانك شاعرنا الدجيماء ولاهنت، قصيدة جميلة واحساس أجمل

وإن شاء الله نرى تواصلك الدائم ، معنا


لاهنت صح لســانك


تحية طيبة

صح لسااااااااااانك

وفقكم الله

صح لسانك أخوي الدجيما
قصيدة جميلة بلاشك وتنبئ بقدوم شاعر جميل

هناك بعض الملاحظات البسيطة على بعض الأبيات مثل :
(نسى كـم مـرة صادمتهـا واصبحـت انـا ضحيـة ) >>> ( انا ضحيه ) كسرت الشطر

(وانـا مـن بعـد مابانـت لـي فعولـه وغـدره بـان ) لو قدمت كلمة فعوله قبل ( لي ) يستقيم الشطر


صح لسانك وننتظر إبداعاتك

	المشاركة الأصلية كتبت بواسطة عماد الهذلي

	السلام عليكم ورحمة الله وبركاته صح لسانك شاعرنا الدجيماء ولاهنت، قصيدة جميلة واحساس أجمل وإن شاء الله نرى تواصلك الدائم ، معنا لاهنت صح لســانك تحية طيبة

صح بدنكـ .. يالذيب .. والله لايهينك ع المرور الرااائع والمشرف والمحفز .. مشكوور ..!!

	المشاركة الأصلية كتبت بواسطة محمد العجلااااان

	صح لسااااااااااانك وفقكم الله

	المشاركة الأصلية كتبت بواسطة أبو حمدان

	صح لسانك أخوي الدجيما قصيدة جميلة بلاشك وتنبئ بقدوم شاعر جميل صح بدنك .. والاجمل مرورك .. لاهنت ياذيباان ..!! هناك بعض الملاحظات البسيطة على بعض الأبيات مثل : (نسى كـم مـرة صادمتهـا واصبحـت انـا ضحيـة ) >>> ( انا ضحيه ) كسرت الشطر (وانـا مـن بعـد مابانـت لـي فعولـه وغـدره بـان ) لو قدمت كلمة فعوله قبل ( لي ) يستقيم الشطر صح لسانك وننتظر إبداعاتك

أولاً : اشكرك جزيل الشكر على النقد البناء والهادئ ..

ثانياً : اسمح لي ابين لك وارد على انتقاداتك ..

(نسى كـم مـرة صادمتهـا واصبحـت انـا ضحيـة) >> "نسى كـم مـرةٍ صادمتهـا واصبحـت انـا اضحيّـة" لاحظ الحركات والألف الزائد حسب النطق ..!!

(وانـا مـن بعـد مابانـت لـي فعولـه وغـدره بـان ) >> " وانـا مـن بعـد مابانـت لـي إفعولـه وغـدره بـان " ايضًا لاحظ الحركات والألف الزائد حسب النطق ..

ممكن قراءتك ونطقك ولها ليس كنطقي وصياغتي لها .. لكن هذا لايمنع ان اشكرك على التعليق المتحف لي صراحة ..!!

لاهنت .. !!

صح لسانك قصيدة واعدة وشاعر ننتظر منه الكثير

تقبل مروري وتقديري ،،،

	المشاركة الأصلية كتبت بواسطة الفارس حزين الطلعة

	صح لسانك قصيدة واعدة وشاعر ننتظر منه الكثير تقبل مروري وتقديري ،،،

حياكـ الله .. يالفاارس ..

صح بدنك .. ولاهنت ع الاشادة والتعليق الرااائع ..

مشكووور .. ولاتحرمنا طلتكـ ..!!!