حال العرب

[poem=font=",7,black,normal,normal" bkcolor="white" bkimage="" border="solid,7,orangered" type=0 line=0 align=center use=ex num="0,black""]



قالو كتبت الشعر من طيـب البـال=والا كتبت الشعر من علم ثانـي
والا تمثل مثل من قـال الامثـال=وقام يتهيض فالخفى والبياني
يجمع فنون الشعر ويقـول ماقـال=ويكتب ويرسل ويتخيل معاني
يرسم خياله فوق صوره وتمثـال=وكب الحقايق كلها للزماني
حقايق (ن)مافوقهـا ستـر وضــلال=تدريبها الاقصين قبل المداني
وضع العرب مكشوف ياساترالحال=مكشوف لا اصحاب العقول الرزاني
اللـي تميـز بيـن طيـب وبطـال=وتدري بواقعنا ومما نعاني
حنا طمعنا كـل طامـع ومحتـال=والعشر ضاعت كلها والثماني
تلعبنـا العـدوان بيميـن وشمـال=كلاً يقول انته معي يا فلاني
تخطيطهم واضح خبيثيين الاعمال=واضح سوات الشمس للمودماني
تدخلوا فالديـن والحـال والمـال=وتدخلو حتى مابين العواني
يصورون الديـن رهبـه للاجيـال=والا السعاده كلها فالأغاني
ومناهج التوحيد والفقـه تنشـال=وحديث يصدر ضدهم مايباني
ويزعجهم القران من طيب الفـال=ولا ودهم يوحون صوت الاذاني
وكلمة جهاد اكبر مصيبه للانـذال=أتهزهم لوكان كلمة الساني
والحال لاتنشد عن الحال بسـوال=راح العراق وراح هاك الكياني
ارض العروبه والحضاره والابطال=راحت معاد اتفيد كثر الاماني
في مامضى بغداد للعـرب منـزال=واليوم ماله فا الجزيره مكاني
والقدس دونه باب وجدار وقفـال=أقفال فالبيبان وجدار باني
ومجوده صهيون بجيوش ورجـال=وحناا نصدر كل لليله بياني
نبحث لدرب السلم في بحرالاهـوال= وضعنا وضاع القدس وسط المثاني
والمال جابوله سياسه على العـال=اسياستاً منها ماتندى السواني
فبنوكهم مرصـود ماعـاد ينـزال=بموالنا وصلوا سهيل اليماني
وبموالنا قامـت محطـات وارسـال=وحنا على ظهر الجمل والحصاني
مافيه يوم انفكر ابصنع فنجال=ومن عندهم نشري جميع الاواني
منهو يجاوب ياهل العرف فسوال=كيف العرب ترضى بهذا الهواني [/poem]