(أيامنا الحلوة)

(أيامنا الحلوة)
:
حرام المسلم أن يهجر المسلم ثلاث أيام
وأنا خلي ثلاث شهور لايسأل ولا جاني
:
يمر اليوم من عمري وأشوفه في غيابه عام
أنا مدري غلا وإلا نوى المحبوب ينساني
:
عسى اللي يمنعه عني ظروفه والظروف أحكام
ولا هو صد من خلي ولا هو منه هجراني
:
أنا مدري متى يرتاح قلبي والعيون تنام
كفاني يا زماني ماجرالي وش بقى ثاني
:
مصيبه كان وقتي ماسمح لي والبخت ما قام
أقاسي لوعة أيامي وأعيش العمر وحداني
:
أنا بين الرجا واليأس عايش في عنا الأوهام
ولكن مانويت أنسى غـلا مدعوج الاعياني
:
عسى الغالي يساعدني يجي ونحقق الأحلام
ونعيش أيامنا الحلوة بدون هموم وأحزاني
:
عساها أيام وتعدي وأشوفه والوعد قدام
وأنا بصبر مدام انه مثل ما أهواه يهواني
:
ممـآ رآآق لـي