الكبـــــــر لله.

السلام عليكم ورحمة الله وبركاته

الحقيقة أنا لست شاعر، ولكني كأي هذلي، يجري الشعر مجرى دمه.

تقبلوها، ونقدكم ، افتخر به.



[poem=font=",6,black,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
الصاحب إللي تغلى كبر قولوله= الكبر لله ما فالكــبر شخصيــه
الهجر ماهو لنا، والصد وشهوله= خل التواضع معك حاجة أساسيه
صدورنا من هموم الوقت مأهـوله= وكلن فداخله قصة حب مطويه
والناس من دورة الايام مذهوله= وافعالها في الحقيقة لا إراديــه
فكر معي كم خذينا الظهر قيلوله=وكم شربنا اللغط في كاس عصريه
لو يدك من رجس ذنب الشر مغسوله= ماكان شفنا يمين الكبر مثنيه
أخطاء ماتنقبل وأخطاء مقبولة= ونتائج الشك ماتحسب "نهائيـه"
ياكم شفنا بنادم سابقه زوله= ولاهو برجال "لافزعه لاهيــّـه"
وأنا بعلمك شيء وخذ مدلوله= مادام نظرتك للعالم ثنائيــه
أنا زبون الثقال إن جات معدوله=وتفكني فالملاقي دبرة إيديه
ياهيه، مثلي ترى ماتقدر تطوله = اكبر على (حرّكــات الابتدائية)
تجي ولا كني أكتب شي واقولـه = وتناظر الناس بمهايط وفوقيه
مابيك ترسم لي الكلمات مسعوله = ولابيك تضحك معي ضحكة فجائيه
بس التعالي، يأثر فيك مفعـوله = وتشملك حتى المفاهيم البدائيـه
أسمع: ترى مايجيك الشي بسهوله= وعامل الناس بهدوء وشفافيه
أن كان شفت الغرور يشدك ذهوله= ترى غرورك يولد فيك أنانيه
حتى قصايدك !..ماهي لك ! منقوله = ومسوي إنك أبو هاذي وهاذيه
غريب سام الكبّـر حتى على زوله = ياخي ترى الكبّـر وأهله (ناس سوقيه)
من تجربة شاعر(ن) عاش الفضا حوله= إللي يكابر.. تلاقي فيه سطحية
ماشاف في داخله اشياء معقوله = عوّد يقول : الغرور أسمى معانيه
على ايش ياخي ! مسوي عايش بطولة = والا معك فوق روس الناس عضويه
ترى الاوادم عن الافعال مسئوله = والكلمة الطيّبه ماتشبه السيـــه
وانا حياتي مواري دفء وطفولة = ومن طبعي أعامل العالم بعفـويه
صحيح إني دفنت احلام مقتوله = وصحيح إني غريب بكل مافيه
لكن خذيت التواضع مبدأ اقوله = وأطبقه (دائمــاً) مع من حــواليه[/poem]