رصيد الغلا

يشرفني ان اطرح مشاركتي الثالثه في المجلس الشعبي امل ان تنال استحسانكم ولكم تحياتي
[poem=font=",6,darkblue,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
وين انت ياللي جرحت القلب بوصافك = متى على الله تعود وتبري العله
طول غيابك وخلك ضاق ماشافك = متى يشرَف جنابك حي هالطله
كفى من الطيش والاحلام وأطيافك = تهيم وسط الحشاء والفكر تحتله
تعال يازينها اطرافي على اطرافك = لك منزلٍ في حنايا القلب ماتمله
نسهر سوا والظلام يغطي اكتافك = والنور يكفي جبينك نوَر الفله
احتاج لك يابعد روحي ولا أعافك = حتى ولو كامل الاطراف منشله
يكفيني الرمش والاهداب وأشفافك = والنظره اللي تغيث الجسم وتبله
ياهيه مافيه داعي تحسب اجحافك = يجبر حبيبك على الهجران والزله
تعال روحي معك والموت بنكافك = ليه الدلع والجفاء صارت لك اجبله
ماتدري اني رهنت الروح لحلافك = وارخصت روحي لهم والكبد منغله
والله ياهيه لوطول في اسرافك = مافلس رصيد الغلا والخل مع خله[/poem]