هجينية الوقت واقع ومشاهدات

[frame="1 98"]

مـجــرب الـوقــت واحــوالــه

لـه راي مـن هاجسـه يبـديـه

فـي صياغـتـه رتــب امثـا له

وبـثـه بـعـد ماتمـعـنـى فـيــه

فـي وقتـنـا الشـيـن واهـوالـه

وقـت جميـع الـعـرب تشكـيـه

الـلــي بــــلا مــــال يـرثـالــه

والـلـي مـعـه مــال لا تبكـيـه

الـثـانــي الــنــاس تـسـعـالـه

والاول تـصـد عـــن طـاريــه

والـثـانــي تــزيـــن اقـبــالــه

والاول تــــــروح وتـخـلــيــه

وراع الـثـرى يـرفـعـه مـالــه

لــو بـاقــي عـلـومـه تـرديــه

مـخــدوم والـنــاس تشـقـالـه

ولجـل الثـرى حـظـه يبـاريـه

وراع الـوفـا نسـيـوا افـعـالـه

لجـل الـزمـن بالـقـدم واطـيـه

لاغـــــاب مــحـــد تـعـنــالــه

واليـا حـضـر مرحـبـا تكفـيـه

الظفـر حـمـل الـخـوي شـالـه

وبـدمـه الـيـا انتـخـى يفـديـه

يشوفـه احـسـن مــن عيـالـه

والـيـا بــدا لازمـــه يقـضـيـه

والـــلاش مـربــوط بحـثـالـه

عــن الـوفـا طبعـهـم حـاديــه

لاجــا لـزومـه وجـــت قـالــه

كـــل الـمـواجـيـب ماتـعـنـيـه

عبـرت فالـوقـت عــن حـالـه

واللـي بقـى فالسـرى نـرويـه

شـاهـدت لــي بـنـت جـوالــه

لابـــد مـــن رامـهــا تـرمـيـه

ويطـيـح فــي شـــر اعـمـالـه

ويشهد لسانـه علـى ماضيـه

وشـاهــدت مـنـهـو بـجـوالـه

يمشـي وثـوب الكبـر كاسيـه

باغلـى ثـمـن يـشـري نعـالـه

واريــــــــال لله مـايـعــطــيــه

وشاهـدت مـن يحمـي اقوالـه

كــل المواجـيـب مــا تـرزيــه

فـاعـلـى المـراقـيـب مـنـزالـه

بالطيـب كـل الـعـرب تطـريـه

وشاهـدت منهـو شغـل بـالـه

باللـي مـع النـاس ينظـر فيـه

كـــم مـــال حـاســد تـهـيـالـه

فـي بالـه انـه يـبـى يحصـيـه

وشاهـدت مـن نكـس عقـالـه

عــطـــيـــة الله مـاتــكــفــيــه

اذيـــــة الــنـــاس مــنــوالــه

وبيتـه ومـا يحـتـوي ناسـيـه

وشاهـدت مــن يظـلـم دلالــه

الـــدار لـــو مـــات ماتبـكـيـه

الضـيـف مـاحـل فــي حـلالـه

ودلال الاجــــواد مـاتــرويــه

وشاهـدت رجـل الفخـر نـالـه

رجــال يـرتـاح لـــه نـاصـيـه

كاسـب ثنـى كــل مــن جـالـه

مـقـدام مــن يـعـرفـه يغـلـيـه

وشاهدت لي رجل فـي قتالـه

مثـل السهـم لاارسلـه بـاريـه

شــجــاع كــســاب لـلـطـالــه

قبيـلـتـه بـالـذهــب تـشـريــه

وشاهـدت لــي فالبـلـد عـالـه

راقـد ويبغـى الـعـرب تعطـيـه

لاكــثــر الله مـــــن امـثــالــه

اجـرب ومـن خالـطـه يعـديـه

وشفت اللـي المـوت اشوالـه

مـانـابـه الا غـضــب والـيــه

لــمـــه دعــاويـــه مـنـهـالــه

وتشهد على ضرب ابوه يديه

واعـــــداد مــاهـــل هـمــالــه

برقـه بــرق فالبـحـر نرعـيـه

حـقــاق مـايـفـصـخ خـيـالــه

غـزيـر فـيـه الـرعـد نـوحـيـه

صلوا علـى المصطفـى وآلـه

الـلـي هـــرم مـجـدنـا بـانـيـه

[/frame]