لـوعات المشـاعر - ::{ مجالس قبيلة هذيل }:: موقع يهتم بتراث القبيلة ومفاخرها

01-30-2007, 11:00 AM

الوقت يمضي والليالي مشاويـح
والعين ماذاقـت لذيـذ المنامـي
اسامر النجمه وبـث التصاريـح
اشكي لها هم ٍ به الصدر زامـي
اخايل القمرا والـفّ المسابيـح
واقْدح من عيون المعاني مرامي
الغِيد ياما في هواهـن مطاريـح
ما بين مقتول وصويب العظامي
الحبّ نعمه مثْل غيث المراويـح
لا صار بين اثنين والوضع سامي
واحيان نقمه مثْل صفق الملاويح
لا صار منْ واحدْ وزاد الهيامي
يازين ياللي فيك وصف المشاقيح
ارحم خفوق ٍ صار حاله عدامي
يكفيْه هجرك والغـلا والتّباريـح
يكفيْه لوعات المشاعر ضوامـي
ماعاد يقـدر يحتملهـا مجاريـح
مضْرابها فالقلب موجعْ ودامـي
لكنّ ابصبر والخواطر تساميـح
ماني مع العشْرهْ قليل الذّمامـي

الشاعر / مقرن الهرف