اليوم الوطني

هذه القصيدة كتبتها العام الماضي ارجو ان تنال اعجابكم



قـالـوا بـحــر والا يـقـولـون طـــاروق=الـسـر فــي المضـمـون هو و الدلاله

والشـاعـر إنما يمدح اصحاب الأحقوق=هــذاك يفـقـد مــن صـفـاتـه الـعـدالـه

واللي جعل للنبته في قاعهـا اعـروق=مامدح سوى اللـي يستحقـه جـزا لـه

ســـلام مـنــي والقـصـيـده لـهــا ذوق=ان دونـــت فـعــل الـرجــال ابـجـزالـه

ســلام مـنـي والتهـانـي لـهـا ابــروق=لاجـل الـوطـن يفـخـر بـعـزوة رجـالـه

يوم الوطـن يعجـز عنـه كـل منطـوق=يــوم تحـقـق فـيــه شـبــه استـحـالـه

سبعيـن عـام وتسعـة اعوامهـا فــوق=والمملكـة مـثـل الـبـدر فــي اكتمـالـه

مرحوم ياللي جيت راكب على النوق=الــــزاد سـيـفــه والـقــلــم واتـكــالــه

والرايـة الخضـراء بهـا خـط موثـوق=توحـيـد ربــي والـعـدل فـــي نـصـالـه

مرحـوم ياشيـخ لـه المـجـد مطـبـوق=عـبــد الـعـزيـز الـلــي تـمـنـاه نــالــه

من بعد كان الناس سارق ومسـروق=سـاد الامـان وكــل واحــد فــي حـالـه

حكـم بشـرع الله عـلـى كــل مخـلـوق=والعـدل والانصـاف هــي راس مـالـه

والنـور فـج وطـاري الـشـر مفـهـوق=مــن فـضـل ربــي ثـــم قـــوة مـقـالـه

والنهضـة اللـي ساقهـا للبـلـد ســوق=عـمـت وعــم الخـيـر فــي كــل جـالـه

ونفـسـه الـلـي للمعـالـي لـهــا تـــوق=مــا فـيـه شــي قـــال عـنـهـا مـحـالـه

يـالله يامنشـئ مــن المـزنـه احـقـوق=تغفـر لراعـي الطيـب وافـي الجمـالـه


محمد احمد المحمودي1430

صح السانك وعلا شانك ولا هنت

قصيدة في وطن نحميه بارواحنا وفلذات اكبادنا ونحمي من وحدوا هذه القارة ومن دستورهم لااله الا الله محمد رسول الله.

كيف لا والمسافر يسافر لاي بقعة في الدنا وهو آمن على أهله وماله , بعد ان كانت قبائل متناحر لاتكاد تغفل قبيلة حتى تفتك بها ما جاورها من القبائل

لله درك فلق كل المديح لاهله فعلااا وولاة امورنا يستاهلون الولاء منا دآئما وأبدااا.

وتقبل احترامي وتقديري

يسلمو يعطيك الف الف الف عافيه على القصيده واصل اخوي

تقبل مروري المتواضع
اخوك : عناد الهذلي