احساس عاشق

احساس عاشق

اشوف يااللي لامني فيك ذاتي
وعذب دلع شوقي بنار المحبين

@@@@@@@@@@

هذب شعوري فيك واعدل صفاتي
واطعم شفاتي مر بُعد المقفين

@@@@@@@@@@

وعلمني ان البعد شي ف حياتي
يقلب ف حبي لك جميع الموازين

@@@@@@@@@@

بنشدك ليش انك تجي في سباتي
وانته معذب صحوتي يدعج العين

@@@@@@@@@@

ياجل فكري ياِمَنطّق سكاتي
ليش العذاب ابقى من الي مقفين

@@@@@@@@@@

جحيم بعدك منطوي في مباتي
وفكل صوب وكل حزة وذلحين

@@@@@@@@@@

تكفى ترى بعضي روى ذكرياتي
لبعض ذاتي ولامني لاتلومين

@@@@@@@@@@

ماني طرب مبعد والم فشتاتي
اللي تناثر في وسيع الميادين

@@@@@@@@@@

كف القدر يسحب لجام امنياتي
ويكبح جموحي للقا ثم تروحين

@@@@@@@@@@

كتف يديني وهز فيني ثباتي
والغى دهائي وسرت مثل المجانين

@@@@@@@@@@

بعدك شتا قارص وداخل عباتي
ثعبان بعدك ملتحف مع ثعابين

@@@@@@@@@@

والبرد جمعني وانا يادفاتي
عاري فحظن البرد فزعتك تكفين

@@@@@@@@@@

صحيح بعدك اكبر المعضلاتي
يارب لاتجمع على العبد عسرين

@@@@@@@@@@

يانيل حبي ودجلتي يافراتي
كيف الضما يقوى على الما ؟ تِعَْرفين!

@@@@@@@@@@

اليا عجزتي تعرفي مناقضاتي
يبان لك كرهي لفرقاك يازين

@@@@@@@@@@

قريت في كل القصص عن سماتي
وقلبت صفحات الكتب والدواوين

@@@@@@@@@@

ابحث على عاشق معذب سواتي
بين السطور وبين قوس العناوين

@@@@@@@@@@

مافي سواتي في الحفاة العراتي
واهل المدن واهل القرى والسلاطين

@@@@@@@@@@

انا الوحيد الي فقمة رداتي
عية رداة الحظ تجلبك للعين

@@@@@@@@@@

على مدار الوقت ماراح ياتي
من ذكرياتك في خيالي تُمرين

@@@@@@@@@@

ياعز روحي وهمها ياشقاتي
معاد انا اقوى لودقيقة تغيبين

@@@@@@@@@@

الموت يبياتي ولاجت وفاتي
وصية ان متي فقبري تِدَفْنين

@@@@@@@@@@

لعل رفاتك تجتمع مع رفاتي
ونبعث باذن الله وندخل عليين

@@@@@@@@@@

مقوى بعادك في حياتي ومماتي
ويارحمة الله لاجتمعنا قتيلين

@@@@@@@@@@

اما ممات يغيظكم ياعداتي
والاحياة تسركم ياموالين

@@@@@@@@@@


بقلم / ماجد بن دخيل الشيناني الزيداني الهذلي

صح لسانك وبيض الله وجهك
يا ابن العم
تقبل مروري

صح لسانك ياماجد .. نص فاخر

تقبل ودي قبل ردي ،،،،

ماجد الزيداني

لا هنت وصح لسانك

قصيدة عاطفية جميلة، وقلم ننتظر منه الكثير والكثير

وفقك الله يابن العم


تحية طيبة

صحيح بعدك اكبر المعضلاتي
يارب لاتجمع على العبد عسرين



يانيل حبي ودجلتي يافراتي
كيف الضما يقوى على الما ؟ تِعَرفين!
.
.

ياسلاام ياماجد..

صح لسانكـ ..

وبيض الله وجهكـ..


قصيده عاطفيه تحمل الشي الكثير..

واحساااس في قمة الروعه..
.
.



احترااااامي

صح لسانك يا ابن العم

كف القدر يسحب لجام امنياتي

ويكبح جموحي للقا ثم تروحين

سلمت ياماجد

قصيده في غاية الجمال

اعجبتني كثيرااااااا

تقبل مر و ر ي

سلمت ياماجد
ومثل ماتفضلو الاخوان قصيده عاطفيه
نعم قصيده عاطفيه
وصح السانك
وتقبل مروري

	المشاركة الأصلية كتبت بواسطة قرناس بني ياس

	صح لسانك وبيض الله وجهك يا ابن العم تقبل مروري

اسعدني وشرفني مرورك على القصيدة ياابن عمي قرناس

اشكرك على اطلاعك وتعليقك

كامل احترامي اليك

صح لسانك وعلا شانك
رائعه بكل المقاييس
يعطيك العافيه

رائع يا ماجد

عاطفة صادقة و شاعرية جميلة

أهنيئك على هذا الشعر الراقي

صح لسانك و فكرك

	المشاركة الأصلية كتبت بواسطة صالح الكعبي

	صح لسانك ياماجد .. نص فاخر تقبل ودي قبل ردي ،،،،

يامرحبا ياخال

مرورك شرفني كثير لاعدمتك

كل الشكر

	المشاركة الأصلية كتبت بواسطة عماد الهذلي

	ماجد الزيداني لا هنت وصح لسانك قصيدة عاطفية جميلة، وقلم ننتظر منه الكثير والكثير وفقك الله يابن العم تحية طيبة

اشكرك على التعليق اخوي عماد

اطلاعك اسعدني

	المشاركة الأصلية كتبت بواسطة عبدالرحمن مساعد

	صحيح بعدك اكبر المعضلاتي يارب لاتجمع على العبد عسرين يانيل حبي ودجلتي يافراتي كيف الضما يقوى على الما ؟ تِعَرفين! . . ياسلاام ياماجد.. صح لسانكـ .. وبيض الله وجهكـ.. قصيده عاطفيه تحمل الشي الكثير.. واحساااس في قمة الروعه.. . . احترااااامي

صح بدنك اخوي عبدالرحمن الله لايهينك على المرور والاطلاع

مرورك على القصيدة اسعدني كثير


كامل التقدير والود لشخصك الكريم

	المشاركة الأصلية كتبت بواسطة عقيلي من هذيل

	صح لسانك يا ابن العم كف القدر يسحب لجام امنياتي ويكبح جموحي للقا ثم تروحين سلمت ياماجد قصيده في غاية الجمال اعجبتني كثيرااااااا تقبل مر و ر ي

اخوي الفاضل عقيلي شرفني مرورك كثير


كل الود والعرفان لشخصك الكريم

يانيل حبي ودجلتي يافراتي
كيف الضما يقوى على الما ؟ تِعَْرفين!

@@@@@@@@@@

اليا عجزتي تعرفي مناقضاتي
يبان لك كرهي لفرقاك يازين

@@@@@@@@@@

قريت في كل القصص عن سماتي
وقلبت صفحات الكتب والدواوين

@@@@@@@@@@

ابحث على عاشق معذب سواتي
بين السطور وبين قوس العناوين

@@@@@@@@@@

مافي سواتي في الحفاة العراتي
واهل المدن واهل القرى والسلاطين

@@@@@@@@@@

انا الوحيد الي فقمة رداتي
عية رداة الحظ تجلبك للعين

@@@@@@@@@@




صح لسانك وسلمت يمينك يا ماجد



قصيدة استمتعت بقراءتها واسمح لي بنسخ هذي الابيات في توقيعي



بارك الله فيك



لك احترامي