.. معــــايده ..

الاعزاء اعضاء وزوار مجالس هذيل الكرام
كل عام وانتم بخير .. وعيدكم مبارك ..

هذه القصيده كانت مشاركه ومعايده ,,
في حفل معايدة قبيلة الفهده من دعد من هذيل ..
الذي اقامه كلٌ من الشيخ / محمد بن لويفي الفهيدي
والشيخ / منيع بن هزاع الفهيدي

في البر من بادية ملكان .. والذي اقاموا فيه مسيره لهجنهم الاصايل , وعروض من الحداء والرجز , والتعشير , والمجارير , وقصائد النظم , والمحاوره






ياعظيم الجود ياخير معبود
فكَ في صدر السماء مثل الكتاب

باب عفو وباب خير وباب جود
وباب من غرَة هماليل السحاب

شيَ بيض وشيَ دهم وشيَ سود
مختلط فيها السحاب امع الرباب

من مزون ومن بروق ومن رعود
ياعساها مع قدوم الخير باب

في قرار وفي حرار وفي صمود
وفي تلال وفي جبال وفي هضاب

وفي فراع وفي تلاع وفي نفود
وفي رجوم وفي حزوم وفي شعاب

ركز نوَه مايحدَد بالحدود
وينكَسر وبله على ضفة( كساب )

ضلع ٍ مزمىً مسمىَ بالعدود
وفي رهاده يطَرد ضوح السراب

فــــ الوطى بارك مثل وصف القعود
وان دخلته مثل جنحان العقاب

شقَه الايمن من الورش معقود
وشقه الايسر عليه القوز ذاب

له دفوف وله كتوف وله حيود
وله طروق وله وسوق وله اوقاب

ديرةٍ بنة شجرها ريح عود
ومن جميع النبت كاسيها ثياب

وان سمر فيها من البارق عمود
وارتخى سبله ورى عدة وجاب

ترتعي فــــ حماه سمحات الخدود
العواد الحمر .. والحمر العراب

مرتع (الشرهات) فــــ ديار الدعود
الرجال اللي لها باب وجواب

عزوةٍ تلطم مقاديم الجرود
يوم زرقات الهنادي والحراب

فعلهم مشهود والعالم شهود
للخوي جنه وللغازي عذاب

وخصَ به ربعي عريبين الجدود
حضرة .. الآد الفهيدي.. والغياب

الفهود اللي حموا شعب الفهود
ووقـَفوا دونه رياجيل الصعاب

محمد لويفي عمى عين الحسود
راعي الوقفات .. عسَاف الركاب

في محلَه من خيار القود قود
زينة الغرَب صخيفات الرقاب

ومع وساع نحورها فجَ العضود
والخفاف اقضاف والجوشن قراب

وذكرها مشهود والاصل امعدود
ضمرٍ تزهى الاشده والزهاب

ذخر عودٍ .. مايهاب من الحشود
قاسي ٍ راسه وقلبه مايهاب

ان قلط بالشعر فالمحفل يزود
وان قلط فوق النضاء ودَا وجاب

وفي منيع الشعر براقه يقود
طيًب الوقفه وممدوح الجناب

عند ابن هزاع جعله فالوجود
عند قناص الجوازي والذياب

في يده مسلوبة ٍ شقراء عنود
من جلود الصيد كاسيها عضاب

كم جردها للسباع وللصيود
والخطاء منها ليا ثارت صواب

وساق من روس العرابا الحمر ذود
زينها راهي .. وزاهي بالخضاب

ذخر عود ٍ .. يوم صفقات الورود
ينذكر فعله .. ويحسب له حساب

ليت رب البيت علاَم السدود
عنه ينحي الشيب ويرده شباب

والعدايد والقصايد والردود
عن محل الطيب ماعنها حجاب

جعلها دايم وعيد الله يعود
بالمحبه والاناسه والثواب





كساب / جبل عظيم في صحراء ملكان من جبال هذيل سمي على ماء هناك بهذا الاسم
يتخلله اوديه وشعاب ووهاد ,, وله مناظر صحراوية خلابه في ايام الربيع ..


الشرهات / الابل المكتملة الجمال