قصيده لشاعر صالح بن رويجح المطرفي الهذلي لشيخ عبدالمحسن والشيخ ابراهيم وجماعتهم من الصواعد من حرب ...

قصيده رائعه لدكتور الحداء الشاعر صالح بن رويجح الهذلي

عند قبيلة الصواعد من حرب في وادي ريم فالمدينه المنوره :


الاوله بأسم رب الكون منشي الغمام = نبدع تماثيلنا ويزين هندابها

يالله بأمرك وتوفيقك يزين الكلام = لولاك مازانت الجابه وكتابها

انت المدبر وعالم حالنا بالتمام = اسرارنا ادرابها واحوالنا ادرابها

نطلبك يالله في حسن العمل والختام = وتعوضنا في السنين اللي شقينابها

واجعل هذا العام خير ونصر عن كل عام = وتزين عنا الفتن وتكافي اسبابها

وحفظ وطنا وهلنا من عيال الحرام = اللي على مملكتنا شنت ارهابها

واللي فقدناه منا تجعله للرحام = واغفرلنا واجبر الخطر وماصابها

والثانيه جيت اشاركم وارد السلام = سلام ياصحابنا اللي مانقفل بابها

مشرعينه بكل الطيب والاحترام = لللافي اللي لفى ولجملة اصحابها

الاد حرب النشاما الطيبين الكرام = يشهد لهم حاظر الحفله وغيابها

تاريخهم معتلي ومجودين الحزام = شامخ سوات الجبال الشم وهضابها

بين القبايل لهم مقسم وذروة سنام = اتغلق اخصامها وتوفي اطلابها

في غرب في شرق والا بالجنوبي وشام = شجره عريقه وكل يحسب حسابها

والارض فيها زحول تستحق الوسام = كل القبايل ونعم وكفو فانسابها

منا عليهم تحيه من هذيل الحشام = تحيه جابها الشاعر وغنابها

ابن رويجح نقلها بالوفا والتمام = يعيش منهو تلقاها ومن جابها

ها ثم صلوا على المختار سيد الانام = محمد اللي هدى للدين ووصابها