اخطاء في حياتنا

اخطاء سلوكيه

لاحظت أخطاء سلوكية في حياتنا ...

فحبيت أن أوضح لكم الخطأ ... وأحاول أن أصلحه لكم بسلوك تربوي أبوي ...

بسم الله نبدأ

خطأ :

عندما يصطدم بك أحد وأنت تمشي .. ثم تسقط كتبك ... ثم تأخذها وتمشي .. وكل منكما يتأسف للآخر ...

الصحيح :

تمسكه مع ثوبه ... وتصكه بالجدار .. وترفسه مع بطنه .. وحبذا تنهيها بركبة وإلا كوع ...

ثم ..

تقوله شيل الكتب .. ومرة ثانية فتح عيونك يالوح ..

خطأ :

تفتح الإشارة .. ثم يعلق البوري لك االي وراك ... ثم تطالع في المراية ... وتلقاه يهاوش ومعصب .. ثم تلوح بيدك تتأسف ...

الصحيح :

تنزل له بمفتاح العجل .. أو عجراء ... وتدق االقزاز عليه ... وأول مايفتحها ... جرّه مع شعره ... واجلده الين يقول للعنز يا خاله...

ثم ..

قله مرة ثانية تصير الاشارة خضراء .. تصير حمراء .. تصير زرقاء ... تاكل تبن وتسكت ..


خطأ :

تدخل المحاضرة متأخر ... يقولك الدكتور اطلع برا يامهمل .. ياللي فيك ومافيك ... ويصك الباب بوجهك .. ثم تروح حزين ...

الصحيح :

تنتظره بسيارتك .. وأول مايحرّك لبيتهم .. حدّه على ماصورة ... والا جدار ... والا حاول تخليه يصدم سيارة ..

ثم ..

طلع راسك مع القزاز ... واضحك ..


خطأ :

جالسين أنت ومجموعة من الشباب ... وعندكم بباسي ... وطلعت تبي تغسل ... فيقوم صديقك ويرج الالعلبه ... ثم تجي تبي تفتحه .. ثم يطيش بوجهك ... ويضحكون عليك .. فتقول ... هههههه الله يرجك والله لارد لك المقلب ..

الصحيح :

تمسكه ... مع رجليه ... وتصبخه بالارض صبخ ... وتجيب علبة ببسي .. وترجه رجا مبرحا ... ثم تفتحه بوجهه ...

ثم ..

تقوله لاصرت أخوك الصغير ... والا تمون علي .. نكّت معي هالتنكيت ... وهالمرة بسمح لك عشان خاطر الموجودين .. والا تدري !! ...
ثم عرفط العلبه... وحطّه بمخباته ... وقله لاتطلعه من مخباتك الا اذا رحنا ...


خطأ :

تحلق عند حلاق ... ومتحمس تعلمه سو كذا ... وسوي كذا ... وهو يقولك .. أنا في معلوم .. أنت بس ارتاح ...
وتتركه ... وتلقاه حالقن نص شنبك ... ثم تهوشه هوش ... وتحاسب وتطلع ... وتقول بنفسك والله ماعمري أحلق عنده ...

الصحيح :
تاخذ الموس ... وتخربط براسه ... وشنبه ولحيته ... وإن حصل تحلق راسه عكس مب شينه ...
ولاتحاسبه ... وحبذا لو جلدته ... (( على حسب الموجودين ... لو ماعنده أحد أجلده )) ..

ثم ..

قل بينك وبين نفسك ... ماعمري أحلّق عنده ...



خطأ :

تمشي بالحارة .... مثلا رايح للمسجد ... ثم يجي بزر من هالبزراين ... ويرميك بحصاة .. ثم تلعن الشيطان وتعوذ من إبليس ... وتكمل دربك .. تقول بزر ماعليه شرهه ...

الصحيح :

تاخذ لك بلكّه ... وتحلته عليه ... إن ضربته ... فهو خير ونعمة ...
وإن ماضربته ... خذ عصا .. وامسكه واجلده ...

خطأ :
راكب سيارتك مستعجل ... وكل اشارة توقف عندها ... حتى الاشارات اللي مافيها أحد ..

الصحيح :

حتى لو انتماانت مستعجل ... اقطع الاشارة ... الاشارة حطوها للي مايعرفون يسوقون ... ومب جزومين ...



خطأ :
ساكن بالدور الأرضي ... وفوقك ساكن واحد ... وصارت الساعة وحدة ... وأنت بتنام ... واللي فوق لجّه وصجّة ...
ماتقدر تنام ... ثم تروح لهم.. وتدق عليهم ... وتقول لهم .. ترى سويتوا ازعاج وانا بنام ... ثم ترجع .. وتلقاهم نفس الحالة .. ثم تقول .. الله يقطعهم ماخلوني أنام .. وتواصل للصبح ..

الصحيح :
دق على محل الدش ... وقله نبيك تجي تركّب لنا الطبق بالسطح ... ولاتنسى تجيب الدريل معك ... لأننا بنركب خمسة .. الليلة بس ..
ثم واصل للصبح ...



خطأ :
متابع فيلم .. ومتحمس .. ثم يجي واحد من أخوياك ويغيّر القناة .. بدون مايشاورك ... ثم تقوله ليش ياخي ماتشوفني متابع؟؟

الصحيح :
صكه بالمركأ ... ولحقه بفنجال والا طفاية ... وخذ منه الريموت .. بدون ماتكلمه ... وحط فيلمك ... وتابعه بصدر رحب ...

ان شاء الله ما طولت عليكم ... <<< خطأ

الصحيح :
اذا طولت هذا شيء راجع لى وبكيفى وإلا من قال لكم تقرون

هههههههاي


ي د ل ا اخ ل ا س ا م ش

بس تعلمنا خلاف ذلك من ديننا

العفو والصفح والتسامح بارك الله فيك

هي الله يبارك فيك دعابة لا تصدق انت عاد والا فيه عاقل بيصدق هذي

اشوى عاد كان مزحه

خوفتنا

[align=center]هههههههههههههههه


دعابه حلوه

مشكور ياشماس مواضيعك دائما رائعه وتستاهل التميز

الله يعطيك العافيه[/align]