برد المساء

بــرد المســـــاء

منت بعلى خبري .. تغيرت يآهيه
برد المساء ما عاد عانق حضورك

ما عادك أنت اياه .. ولا آعرف ليه
ولا عاد ذا شوقك .. ولا ذا بشعورك

عنيتني ل درب العذاب .. ومساريه
وآنا آتعنى في رضاك / وسرورك

لا تسومني دمع الوفا .. صعب تشريه !!
بأيدك هدمت البيت والسور سورك

انا هديتك خافقي .. وأنت تهديه ؟؟
للحزن /والليل العتيم /.. وغرورك

ترى الهديه عيب تهدى .. وتنويه :
إن ما آحترمت العهد ش يكون دورك

كنت اشتهي صوتك وآحبه واداريه
والحين ما آداني السواليف طورك

شبيت ضوي في رجا الغنج والتيه
وتشب ضو البعد .. يا شين جورك

(( الفي عليك بشوق وتقول ما فيه
ودك بوصلي بس يا كبر امورك ))

اللي بقلبي من غلا .. خذت باقيه ؟؟
رده علي تكفى .. أو اكفه شرورك

لا وا خساره ؟؟ .. يا فديتك ولبيه ؟؟
نهيتني يا قلب .. ما طعت شورك

يا مجرم جروح الغياب .. ب تماديه
وقع على صك الوداع .. ب حضورك

اهديتك الدنيا / وقلبي / وما فيه
ولا أنت تهديني خطاك .. وزهورك

وسلمتك .. زمام الهوى والمشاريه
وأنت تحفر لجروح صدك .. قبورك

احيه من جمر انتظاري و يا آحيه
لا ذكرتني بالمحبه .. عطورك ؟؟

يسقيك يا ذاك الغرام ولياليه
وابكى غرامي فيك وأبكي شعورك

تضحك معا قفاك .. لكن معا ليه ؟؟
اصبر على الايام ويجيك دورك


من روائع حمد البريدي




فآآآئق ودي

اهديتك الدنيا / وقلبي / وما فيه
ولا أنت تهديني خطاك .. وزهورك

وسلمتك .. زمام الهوى والمشاريه
وأنت تحفر لجروح صدك .. قبورك



نقل رائع غالتي ,,, صح فكرك ,,

تقبلي مرورري وخالص شكري

مرآ تززن
يعطيكي الف عافيه

	المشاركة الأصلية كتبت بواسطة الهنوف الهذيل

	اهديتك الدنيا / وقلبي / وما فيه ولا أنت تهديني خطاك .. وزهورك وسلمتك .. زمام الهوى والمشاريه وأنت تحفر لجروح صدك .. قبورك نقل رائع غالتي ,,, صح فكرك ,, تقبلي مرورري وخالص شكري

الهنوف الهذيل

لاهنتي ع المرؤؤؤر
نؤؤؤؤؤؤرتي
لا خلا و لا عدم

	المشاركة الأصلية كتبت بواسطة لبى هذيل

	مرآ تززن يعطيكي الف عافيه

لبى هذيل


يعطيك الف عافيه على المرور

لآ خليت من مرورك النقي