العضيانى*القارحى

علي فلاح العضياني


يا مرحبا رحب لو إنقـدّره بالفلـوس
غالي , و يرجح بميزانيّة الراجحي !!!
أخبار الأمطار جابوها الرجال العسوس
اللي على ديرتك يا حامد القارحي !!!


حامد القارحي


دام البقا لين ترضى ضايقات النفـوس
وان كان ماجات في صالحك في صالحي
وأهل المنايح بلاش يصررون الديوس
وان كان مايستحون القارحي يستحـي



علي فلاح العضياني


بعض المعاني خطيره كنّها حدّ مـوس
يا شاعر هذيل تحلق لحية الملتحي !!!
اللي كسب فالحياه من المواقف دروس
فالذاكره مع مرور الوقت ما تنمّحي !!!



حامد القارحي


الحب صافي وقالوا داخل الحب سوس
واللي صحي يخبر اللي غافلا ماصحي
أدخل على الفي والا حرقتك الشموس
لو في المحاني وحي نزل عليكم وحي



علي فلاح العضياني


يالواصل اللي تروّس ما انت قادر تـروس
ما كلّ رجّال مثل ( مناحي ) و ( دنّحي ) !!!
لولاي طفّيت عنكم نـار حـربٍ ضـروس
دارت عليك الدواير مثـل دور الرّحـي !!!



حامد القارحي


أصعد بك الضلع والا انزلك في الطعوس
اليا قضمت الحجر يعدم عليـك اللحـي
والباقر اللي تصلي له كبـار المجـوس
لو جاهم الجوع راح الباقـر امفطحـي


علي فلاح العضياني


خلّك على الضلع لا تقعد تحوس و تدوس
عن سالفتكم درى اللي فالبلد منتحي !!!
حنّا عتيبه خلقنا الله على النـاس روس
برقاوي يكون و لاّ مزحمي و اطلحي !!!


حامد القارحي


وش عاد يبقى بعد طاحت قرون التيوس
يابن فلاح افلح افلـح عمـك المفلحـي
حطيتم العرس والمعرس شرد بالعروس
وهذيل ربحت عسى الهيلا بعد تربحـي


علي فلاح العضياني


العزّ و الطيب بقلـوب الرجـال مغـروس
في شارب إبليس يا روس الزنود اقدحي !!!
من لا تلبّس مـن ثيـاب المعـزّه لبـوس
يموت صيته لو إنّه بين الاجواد حـيّ !!!!


حامد القارحي


المعذره كان ضيقنا عليك الهجوس
من لا مدح مدت الطيب فلا يمدحـي
أستغفر الله بغيت أحلف يمينا غموس
لكن راجع بيوتـا سمهـا يذبحـي