قياس ،معلم خريج

السلام عليكم ورحمه الله وبركاته

اخواني واخواتي الكل لا يجهل مايعانيه الخريج من اختبارالقياس وهو اصبح يحدد مصيركل خريج عموما لا اريد الاطاله في الكلام هذه الابيات كتبها احد خريجي الكليات

يقول قياس

سلام ياصل كلـ معلم من اقياس : سلام خذ دفتر أجابه وضلل

فكر وجاوب وحسب الوقت بقياس : أعرب وفسر ثم قسم وعلل

قال المعلم

يامرحبا ياقياس ياموجـع الراس : يامرحبا بـالـهـم أمر تدلل

انت سوات السم وسقيتنا كاس : وسمك دخل شريان فكري وتسلل

قال قياس

فعلي غدا من فوق الاعلام نبراس : وغزي كما القناص ولا المهلل

يامعلم الاجـيال لا باس لا باس : وان خاب ضنك كرره لا تملل

قال المعلم

فعلك يحطمنا كما وقعت الفاس : ياسلعتً(ن) فيها تبيع وتدلل

قال المثل ماكل سباح غطاس : ولا كل هجمه في الملاعب تسلل

قال قياس

انا مصيرك يامعلم على أساس : من مخرجات العلم لازم نقلل

أرقام ماش أرقام ياناس ياناس : وإدارة التعليم تسعى تحلل

قال المعلم

رزقي على الله خلقً(ن) كل الأجناس : ولا انت رزقك عايفه لو تهلل

غدرك سوات كليب من رمح جساس : وبنكك من الميتين عبا وفلل

قال قياس

لاوالله إلا أمسيت في سجن الافلاس:والراس من وبل المصايب تبلل

اللي يباقف في طريقي بينداس:كل الصعايب في طريقي تذلل

قال المعلم

اقهرك بالله لا تغطرس تغطراس :يا مقطع اربع ياسوات المشلل

عزالله اني حامسك وصط محماس : وذبحك قريب وسفك دمك محـلل

وسلامتكم

الكاتب : بنك العاطفه

يعطيك العافية يامشخص العاني ومحاورة طريفة وحسبي الله ونعم والوكيل . اختبارات القياس لاخير ولاكفاية شر.

قال المثل ماكل سباح غطاس : ولا كل هجمه في الملاعب تسلل


الله الله ياامشخص العااني

بصرااحه بنك العاطفة ماقصر جسد لنا واقع خياس قصدي قياس

تخيل ان فيه طلاب متخرجين من الكلية بامتياز ههههه طيب وش ذنبه تحدد مصيره في 4 ساعات

يعني شهادة الكلية طلعت كلام فاضي


بصراحة ظلم من وزارة التربية والتحطيم

الله يخارجنا بس


شكرا لك مشخص العاني على التعاطف مع المظلومين في الارض