بعد خروج سالم ولكي لاتتكرر مع الطلحي + اقتراح
السلام عليكم ورحمة الله وبركاته
بدخل في الموضوع على طول وبدون اي مقدمات
بصراحه بعد خروج الشاعر سالم المطرفي من الأدوار الأولى ولكي لا يتكرر الخروج مع الشاعر عوض الطلحي
فيه اخطاء وقعو فيها ابناء قبيلتي الموقره ولا اريد ان تتكرر واتمنى محد يزعل من كلامي وبالأخير تبقى هاذي وجهة نظري الشخصيه
اولا . الحفل اللي اقيم لدعم الشاعر عبيدالله المجيريشي وسالم المطرفي كان متأخر وكان مختصر على عدة اشخاص وما كان هناك اعلان انه بيقام حفل لدعمهم في هذا المنتدى وغيرنا من باقي القبائل تكون الدعوه على شريط قناة الساحه وعلى مواقع ومنتديات القبيله
ثانيا . وهذا اقتراح مني انا واتمنى تأخذون كلامي على محمل الجد ممكن يكون اقتراحي سخيف في نظر بعض الاعضاء لكن والله انا شفت ناس طبقو هاذي الفكره وجابت نتائج ايجابيه وصدقوني بتشوفون الشات هذلي 100%
اتمنى يكون في حفل الدعم شاشه كبيره بصراحه ماني عارف اسمها بروجكتر او مثل كذا ويكون التصويت من هذا المحل صدقوني بيصير فيه تنافس وتحدي في التصويت وحتى اللي ما حضر الحفل اللي من نجد او الشمال ويشوف التصويت بيتفاعل وبيصوت وبكذا راح يكون الدعم من الجميع يعني مو محتكر على الشيوخ ورجال الأعمال اللي يدعمون بالاف يعني هذا ببطاقة خمسين وهذا رسالتين وهذا اربع وهذا ميه
وفي الختام اعذروني على سواء التنسيق والاطاله لأني اكتب الموضوع بالعمل وعلى عجاله
|