قصيدة الشيخ سعود ابن سالم البطيحي اللحياني

تشرفت بحضور حفل تنصيب الشيخ سعود بن سالم ابن دخيل الله البطيحي اللحياني
شيخاً لخامس البطحه من لحيان وذلك اجابه لدعوته
ولدعوة اخي عبيدالله مبارك البطيحي اللحياني
والمعروف بـ(الظافر) في منتدي لحيان
فشاركت في هذه المناسبه بهذه الابيات

[center] (( لحيان العريقه ))


أبدا السلام ووزعتي معكم اليوم =ابيات شعر ومفردات وخواطر
كم لي وانا صايم ومعجبني الصوم = في وقت خرّج حول مليون شاعر
والشعر حكمه للذي يعرف العوم =ماهو بحرفه ياعديم المشاعر
ان معم مال تصول وتجول وتحوم= وان مامعك بيزات فأسمع وناظر
ماعلا علي ابن العم ويظل محشوم= ينقص جرابي ماجرحت إلهْ خاطر
وشُعّارنا ماهم أبد عد وارقوم = ياهل البرامج كان هي بالمظاهر
ديواننا للشعر مرجِع ومرسوم =ماحنا بحاجه للحيل والتظاهر
والصقر مايربي كما قيل مع بوم= والغيبه أبرك من شرآء الضمائر
وان كان واني جيت للحفل معزوم= فأنا معزب عند ربعي وحاضر
ربعي هذيل ولا علي حضرتي لوم= لامن كتبت لعزوتي شئ عابر
وش اختصر سقف السما كله نجوم =وانا ماشوف الا نجوم المسافر
شئ يجملني ليا بان ملزوم= اعد بعض اللي عرفته وافاخر
عند الرجال اللي لها عرف وسلوم= الآد عمي لأحتزيت المذاخر
لحيان هم صفوه ومن عِلية القوم =وهم خوال المصطفي مانشاور
اخوال دم من الشرايين مقسوم= ماهو رضاع لمن يعَرف المصادر
كم استعان ابهم رسول البشر دوم= في سلم والا في لهيب المساعر
قدم الجيوش خيولهم تنطح سهوم =وبالعلم كم عالم علي الحق ظاهر
اعلام وش نحصي وهل شعر وعلوم= في المعركه للنصر والا المقابر
منهم يسار ونبشة الخير مرحوم =كم من اسير افدوه قدم المخاطر
ومنهم ابو الحكمه وابو رأي محسوم =بن صعصعه الحارث خطيب المنابر
وهذاك مالك بن عويمر وموسوم =بالمتنخل راعي الشعر والمفاخر
وابو سنان اللي تبشر بمقدوم= فضل جهاد الكفر له سيف شاهر
ماعاش في الدنيا معنى ومهموم =سماه ابو القاسم سنان المغامر
وان كان ابو ضب انتسمى به اليوم =فغيره في لحيان العريقه شواعر
في نصرة الاسلام تلقي لهم سوم =فرسان دين الله من عهد غابر
ومنسب بني لحيان لهذيل معلوم =من مدركه والياس إبن مضر لآآآخر ..
في ديارهم آثار وانقوش وارسوم =وابو شويطه كم حكى من مآثر
واليوم حاضرهم علي العز مرسوم= درع الحجاز وللحميا عساكر
*ياسعود إبن سالم جعل عزك يدوم =تستاهل الشيخه ولامنك قاصر
شيختك ماهي شيخة ابشوت واختوم= شيختك فخر ٍ للقروم الاكابر
تاريخكم مايجهله كود مغشوم =مجد انبني قبل الكتب والمحابر
اليا ظهر بالجيل فارس وشغموم =انتم حرار صقور ما انتم نواغر
برق الحيا غني بعد غلق الصوم =حشمة هذيل ولجل مرسول ظافر
دعوة ابو مبارك لها اشوش واقوم= ولمنتدى لحيان لازلت شاكر [/center]
وسلامة ارواحكم
اخوكم : خالد بن عبدالله بن عبيدالله البقيلي الهذلي



ابو شويطه : جبل في ديار لحيان

صح لسانك ...وبيض الله وجهك
ونعم بالمادح والممدوح
افطرت على جزلة تبيض الوجه

تحياتي

صح لسانك قصيدة رائعة ومعبرة ونعم بك ونعم بلحيان

سلمت اناملك وصح لسانك اخي الكريم برق لحيان

خالص التحية

	المشاركة الأصلية كتبت بواسطة قرناس بني ياس

	صح لسانك ...وبيض الله وجهك ونعم بالمادح والممدوح افطرت على جزلة تبيض الوجه تحياتي

صح بدنك ياقرناس وعذرا التنسيق لا يعمل

صــ لسانك ــح ياالبقيلي

قصيده جزله والنعم بك وبربعك وبقبيلة لحيان

كتبت فأبدعت وامتعت يابرق الحيا وهذا هو الحيا اللي حنى في حراه

وش اختصر سقف السما كله نجوم =وانا ماشوف الا نجوم المسافر

صح فكرك ياخالد

اطيب التحايا لشخصك الكريم

	وشُعّارنا ماهم أبد عد وارقوم = ياهل البرامج كان هي بالمظاهر ديواننا للشعر مرجِع ومرسوم =ماحنا بحاجه للحيل والتظاهر والصقر مايربي كما قيل مع بوم= والغيبه أبرك من شرآء الضمائر وان كان واني جيت للحفل معزوم= فأنا معزب عند ربعي وحاضر ربعي هذيل ولا علي حضرتي لوم= لامن كتبت لعزوتي شئ عابر وش اختصر سقف السما كله نجوم =وانا ماشوف الا نجوم المسافر

صح لسانك يا برررق الحيا
كل القصيده قمه × قمه
وقمة القصيده هذه الأبيات المقتبسه
تنسيق القصيده مهم على المشرف ينسقها فضلاً لا أمراً

	المشاركة الأصلية كتبت بواسطة شباب

	صح لسانك قصيدة رائعة ومعبرة ونعم بك ونعم بلحيان

الروعه في طيب مرورك وجميل تعليقك ياشباب لاهنت وصح بدنك

كفو يا خالد بيض الله وجهك وصح السانك يبن العم . ويستاهلون لحيان والف نعم بهم

لك ودي واحترامي

	المشاركة الأصلية كتبت بواسطة صالح بن وسيمر المطرفي

	سلمت اناملك وصح لسانك اخي الكريم برق الحيا خالص التحية

ياهلا ومسهلا ياخي صالح وشاكرين مرورك لاهنت وصح بدنك

صح لسانك وسلم فكرك الراقي يابو وليد

والذي لا إله غيره اني نثرت كنانة فصاحتي فلم اجد من عبارات الشكر ما يجملني معك فأبثه اليك ولا من صيغ الثناء ما يصف سمو نفسك فأبادرك به

فقد كنت نجم حفلنا وبلا منازع

فبك أنت وأبناء عمومتك من قبيلة هذيل العزيزة كان للإبداع في تلك الليلة إشرقة أستضاء من نورها كل من حضر من الضيوف


فدمت اخي بذلك السمو المشرق

اخوك

صح لسانك يابو عبدالله

وبيض الله وجهك شاعر جزل

امتعتنا جدا بهذه الدره

ونعم بالمادح واللمدوح ويستاهلون

ربعنا اللحايين العلم الغانم تحياتي لك ،،

	المشاركة الأصلية كتبت بواسطة عقيلي من هذيل

	صــ لسانك ــح ياالبقيلي قصيده جزله والنعم بك وبربعك وبقبيلة لحيان كتبت فأبدعت وامتعت يابرق الحيا وهذا هو الحيا اللي حنى في حراه وش اختصر سقف السما كله نجوم =وانا ماشوف الا نجوم المسافر صح فكرك ياخالد اطيب التحايا لشخصك الكريم

حيا الله ياعقيلي هذيل وسرني مرورك يالغالي .. وصح بدنك

ونراك بخير بوركتَ وبوركتْ كلماتك

	المشاركة الأصلية كتبت بواسطة مشعل اللحياني

	صح لسانك يا برررق الحيا كل القصيده قمه × قمه وقمة القصيده هذه الأبيات المقتبسه تنسيق القصيده مهم على المشرف ينسقها فضلاً لا أمراً

صح بدنك يابن العم ...

وشرفني اقتباسك ---لاهنت ولاهان مرورك

ويالييت واحد من المشرفين يتفضل بالتنسيق

	المشاركة الأصلية كتبت بواسطة كفيل العرب

	كفو يا خالد بيض الله وجهك وصح السانك يبن العم . ويستاهلون لحيان والف نعم بهم لك ودي واحترامي

ووجهك ابيض وصح بدنك

اي والله يستاهلون وزود

شكرا لمرورك

اقول : تكفلني في تايوتا ...هههه

دمت ونكك بخير