ودّي بك.. وابيك.. وابـاك ..وابغـاك

ودّي بك.. وابيك.. وابـاك ..وابغـــــــ اك *** جمّعتهـا لرضـاك واختـار فيـــــهـا=
شف ويش منها يتبع احكاك ورضـاك ***واللي لك اسقي مسمعك لا ضميهـا=
غديت (افر)احكـــاي واسايـر احكـاك ***وانـا تشّـرف لكنتـي واهتويــهـا=
مضمونهـا ودي بشــوفتـك واهــــواك ***ياللي دروب اهل الردى مـا تجيهـا=
صانك ولـي امـــــــرك وحبـك وداراك ***ولاقـدر ردع الحظـوظ ومجيـهـا=
نفسـك مهذبهـا وعـز الله ربّــــــــــاك ***مايدري ان جيش الهيـام يغزيهـا=
والله قسم يبلاك بـي وانـت يبـــلاك ***باللي سواتي في العـرب يرتجيهـا=
محبة (ن ) ذربه من القلـب تكسـاك ***محبة (ن) صدق الهـوى يكتسيهـا=
يامرك قلبـك بالوفـا لـي وتنــــــــهـاك ***ناس (ن) على لاماك تفرك يديهـا=
رزين عقـل ومـن مزايـا مزايــــــــــاك ***نفسـك تحـب وعفتـك تمتطيهـا=
وتطيع عقل (ن) ما بعد زل واغـــواك ***مشاعرك تعصاه ..وانـت تعصيهـا=
ماشفت منـك الا عيونـك ويمنـــاك ***محبة (ن) راع الـردى مـا يبيهـا=
يقبـض فـوادي لا تخيلـت فرقــــــاك ***ياشف عين (ن) ما سواك يعنيهـا=
وياعزوة اخوانك ومطلـب هــــذولاك ***ناس (ن) محبـة والـدك تدعيهـا=
ناس (ن) تخدم ابيـك كلـه لعينــاك ***وهو يحسب ان الله عليـه يهديهـا=
ياجعلها تفدى علـى الارض ماطـاك ***والله بمـن هـو مثلهـا يبتليـهـا=
لكـن لعـب فـي ياوليفـي تغّـــــلاك ***ونفسي غلاك من الصدود يحديهـا=
تبطـي علـي وانـا هنـا واتحـــــــراك ***وكبدي لواهيـب الصبـر تشتويهـا=
اجمّع علومك امـن هنـاك وهنــــاك ***والله لو انها تنشـرى لا اشتريهـا=
وعذرك (انا لاهي) يا ويش اللي الهاك ***لاهي ومر(ن)منـت لاهـي تليهـا=
كانك مشكك في الوفا والغـلا هـــااك ***جوالي اقـر القائمـه كـل ابيهـا=
رقمك مع الصـادر ولا وارد اســـواك ***والناس في اللي ( لم يرد عليهـا ).=
وايـاك واياني...وايـانـي ايـــــــــاك ***من غيبة (ن) من دون عذر يحميها=

الشاعر/ محمد بن فطيس المري


منقوووووول