شعر العبد

ياشعري ترى بحر الهوى تهلكه من جد=وانا حذرك ياهاجسي لاتجي يمه.
تقضي حياتك في توجاد ماله حد=وتصبح هموم الكون في الصدر ملتمه.
وانا قبل مابني للهوى دون قلبي سد=علي الحرام ان الحشا مابرى همه.
عميل الهوى بالون في كف طفل انهد=في عجة هوى روح يخمه ولا خمه.
وقفى وعينه تنزف الدمع فوق الخد=يدمع ويمسح دمع عينه كموم امه.
ماهو مثل دمع الرجل لاسيله منحد=لو انه يدمع دم ماله سوى كمه.
وانا لي مشاعر مير فارض عليها حد=أحسب لعلم من ورا فعله امذمه.
بكار المشاعر حايمه حول جمة ود=وحسن الادب راعي حداها عن الجمه.
تدافع عليها ثم يصرخ بها واتصد=وتقفي وهي تقبل على القاع واتشمه.
ماهو بن مذيخر تاسره ناحلات القد=انا عن دروب الهينه همتي همه.
انا في اللزوم انعد يوم الرجال اتعد=يحصلني اللي سال عني علي القمه.
أعز الخوي وان حان مد الجميل امد=ولا اجالس اللي شاب راسه على النمه.
انا منسبي منسب قبايل وجدي جد=جلوسي وحيد ولا جلوسي معا رمه.
ولو ان حضي بعض الاحيان جزر ومد=ويبطي مايلقى من زهور السعد شمه.
إذا الحظ مشط اقدار الامه شعر ممتد=وكلا ومشطه يفلت الشعر وايلمه.
وحضي رماني في شعر عبد ماينكد=أوكي عليه وينشب الشعر في فمه.