عبدالله المسعودي : ((ما معي ماعون والوادي الممطور سال ))

عبـد الله الـمـسـعــودي


واحـــدآ جـابــوه وودوه مـــدري كــيــف قــــال
مـن هـو اللـي دف مسـتـور وانـدفـه وراه
اخـويـاه ايـدورونـه وهـو رايـح لـــحــــال
ما خبرت اللي يبا يروح ويكب اخوياه


مـستور العـصيمي

مـا خـبـرنــا الــلي يـضـيــق ســريع الانـفعال
مـن يـقـول الـعـلـــم جـانـي مـنـيـن جـــاه
واشكل الاقوال يا ذيب ما هي راس مال
من ظما لو يشرب البحر ما يروي ظماه


عـبـد الله الـمـسـعــودي

الخـبـر والـعـلـم تـحــت الـعـمـامه والـعـقــال
والعقـال مـع العمـامـه على راســك هــذاه
من زعل قلة سعه يشتري له وسع بال
قبل يقعد له زمانـه علـى راس الحصـاه


مـسـتـور العـصـيـمي

ما على راسي يقع ما على روس الرجال
والعـمـيل الـوافـي الـنـاس ما تـنـقـص وفـاه
الـزعـل طـيـب ومـكروه فـي بـعــض الحـوال
والامـانـه مـا تـضـيـع عـلى طـول الحــياه


عــبــد الله الــمــســعــودي

انت عندك طبيعه من جدودك والخوال
لا غيبـه تعجـب النـاس مـن قـدر وغطـاه
ان عطـتـك اكتـوفـهـا مـــا تـربـطـك الـحـبـال
وان تــوجـــه لـــــك نـحــرهــا تـلـحـفــت الـعــبــاه


مـستـور العصـيـمي

وان بدالك عوجت العوج في رقاب الجمال
مـيـر مــن عــارض بـمـا عـونــه الـسـيـل امـتــلاه
مـن تملـت لـه غروبـه ؟؟؟؟؟؟؟؟؟؟؟بـه محـال
كــل مـا اوحــى لــه مـنــادي يـنـادي قــال هــاه



عـبـد الله الـمـسـعــودي

ما معي ماعون والوادي الممطور سال
وانت كيف يسيل واديك وخيالك صحاه
والحـبوب الـصـم لـو قـيـمـة الـحــبــه ريـــــال
مــا بلعـهـا غـيـر مــن تطـحـن الحـبـه رحــاه



مستـور العـصيمي


لو زهمت ابكم يجاوب على هذا السوال
كيـف عاقـل يلتبـس ثـوب مــا فـصـل عــلاه
لـن وصلـك العلـم عـنـدك محـايـل واحتـيـال
حيلة الحصني ليا شاف سبـع الليـل جـاه