الحب العميق

السلام عليكم ورحمة الله وبركاته

تقبلو هذه المتواضعه لتواصل معكم وامل ان تحوز على رضاكم


كـل ماقيـل المـوادع نحـاول نفهقـه = واثره اخر ماتوصل محطـات الطريـق

مايفيد الوقت ضايع ولـو حـن نسرقـه = نضرتا مـرت وخـلا ً بعدهـا مايويـق

ياسقى الله يوم شمس المواصل مشرقـه = قبل ماسود الليالي عـن الهقـوه تعيـق

يوم كانت شجرة الحب خضرا مورقـه = كم جمعنا من جناها من العشق الرحيـق

حبك انتي عن هوا الغيـد شـي يفرقـه = انه الجارف وهو لـذة الحـب العميـق

كل دربـا غيردربـك ترانـي ماطرقـه = جعلها تصبر رحالي وعساها ماتطيق

ياقـوي الحيـل قلبـي علامـك تغرقـه = ويش يسوي الي غدا في بحر حبك غريق

والقصايد مـن بعدكـم عليكـم مطرقـه = واخر الابيات بيتين مـن حـق وحقيـق

قلبي الي قد عطالك من الحـب اصدقـه = لاتغيربها تراك انت لـه اصـدق صديـق

قلبي الي حب قلبـك وضمـه وعشقـه = اشهد انه يوم غبتي في ضيقا بعد ضيق


وسلامتــــــــــكم

في رحلة سفر طويل رحلة القلوب وبقاءها على تواصل وتوالف وتجانس منقطع النظير

بكل محطات السفر من وداع واشتياق ومن ثم العوده للقاء من جديد


اتت التنازلات تنازلات الوفاء والحنين يتكلم بلغه تخص كاتبه


حبك انتي عن هوا الغيـد شـي يفرقـه = انه الجارف وهو لـذة الحـب العميـق

كل دربـا غير دربـك ترانـي ماطرقـه = جعلها تصبر ركابي وَ عساها ماتطيـق

ياقـوي الحيـل قلبـي علامـك تغرقـه = ويش يسوي الي غدا في بحر حبك غريق


آخر المحطات ربما ان يلتقي الشاعر بمدينة قلما وصفت بأنها عروس المصايف

وهنا اراد التوضيح بأن الغياب عنها السبب فالضيق

قلبي الي قد عطالك من الحـب اصدقـه = لاتغيربها تراك انت لـه اصـدق صديـق

قلبي الي حب قلبـك وضمـه وعشقـه = اشهد انه يوم غبتي ضيقا بعد ضيق



قصيده اكثر من رااااااااااااااااائعه


اهنيك على هذا البوح الرائع


اطيب التحايا

تسلم يابن عاادي وصح بدنك واشكرك على هذا التعليق

الفخم واتمنى اكون قدمت مايرقى لذائقتك الشعريه وشكرا لك بعدد حباات المطر ,,

بحق رائعه وفي الصميم
كلمات انثرت بها مشاعرك بل كانك تتكلم عن اناس أخرين عاشوا التجربه وعانوا منها الكثير
هي كذلك الحياة دروس ولن تتنتهي من التعلم
أسفه على التعبر والاطاله بس المستنا على الجرح
كل انسان عانا من الحياة ولكن عاش وتعلم وفاهم ولكن انت تريد والله يريد مايكون وبامره
لاهنت

صـ لسانك ـح يابن مغبش

قصيده اكثر من رائعه

جزله وبيض الله وجهك على ماقدمت لنا

اطيب التحاياااا

ياسقى الله يوم شمس المواصل مشرقـه = قبل ماسود الليالي عـن الهقـوه تعيـق

يوم كانت شجرة الحب خضرا مورقـه = كم جمعنا من جناها من العشق الرحيـق


قصيدة باذخة صح لسانك اخوي بن مغبش

سبك وحبك بيض الله وجهك

يا سلام عليك يا محمد و الله شعر من الطراز الفاخر

ابدعت يا شيخ لله درك ... و أي كلام مرتجل لا يفي بهذي الفارهة

شكرا لك

صح لسانك يابن مغبش

لي عوده تليق بما وجدت..

صح لسانك ياولد العم

راقت لي كثيرا

يعطيك العافيه

دمت بخير

الاخت الفاضله الصمت الجريح شكرا لك ولمرورك وتعليقك الفخم

اتمنى اكون قدمت مايرقى الى ذائقتك الشعريه ودمتي بخير ,,

بن مغبش بارك الله فيك ابيات ولا اروع

رائعه من روائع آبن مغبش
صح لسانك وافي طول الله عمرك

ساااااالم وغانم يابن مغبش

صح لسانك ياجزل
مبدع ومهندس لله درك

يا سلام .. يا سلام

صح لسانك يا بن مغبش

جزلة من جزل

تحياتي