هوا غيدا

بسم الله الرحمن الرحيم

السلام عليكم ورحمة الله وبركاته

اقدم لكم هذه المتواضعه وامل ان تحوز على رضاكم ...

,

,

,

كيف اطيب وخاطري فالود ماهو طيب
...........................قفلو طاقة هوا غيدا وصكو بابه

من صباي احبها واليوم دقني شيب
............................. وماتغير حبها فالقلب دق اطنابه

لاتذكرته غشاني مثل وبلاّ صيب
......................... من عيوني الي سوات المزنه الصبابه

اخذ شويه وانا صاحي بعدها اغيب
....................سامح الله حبها ذقت العنا باسبابه

الهوى موت الفتى وانا خطير قريب
...................... يالمعالج مايفيد الجرح جرح غيابه

لو هقاوينا سمان اليا هقينا يخيب
............................ وقتنا لين الهقاوي جاتنا منصابه

والله اني عن مجيك خاطري متهيب
.........................مثل ماهاب الفقير مواجه الطلابه

ادري ان عندك جنابً طيب(ن) وحبيب
.....................غير اخاف يسولفون العالم الكذابه

كل واحد لاطراله علم قام يعيب
.........................عيبو في حب عذري غيرهم ماعابه

ياهواها لو نشدت الحال ماهو طيب
............................ شوف طاقة حبها فكت وشرع بابه

وسلامتـــــــــــــــــــ ـــــــــــــــــــــــــ ـــكم

سالم وغانم يابن مغبش

صح لسانك يالجزل

قصيدة جميلة وبوح من الصدر مترجم بطريقة خالد العذب

	المشاركة الأصلية كتبت بواسطة أبو رديد

	سالم وغانم يابن مغبش صح لسانك يالجزل قصيدة جميلة وبوح من الصدر مترجم بطريقة خالد العذب

صح بدنك يابو رديد والجميل حظورك وتشريفك تسلم والله ياغااالي ,,

بارك الله فيك يابن مغبش


رائعة

وانت سالم

صح السانك وعتلا شانك قلت فابدعت لله درك من مبدع

	المشاركة الأصلية كتبت بواسطة شباب

	بارك الله فيك يابن مغبش رائعة

حيااك الله ياشباب والله يبارك فيك ياغاالي

	المشاركة الأصلية كتبت بواسطة السيف الصقيل

	وانت سالم صح السانك وعتلا شانك قلت فابدعت لله درك من مبدع

صح بدنك والله يحييك يالسيف الصقيل الابداع مرورك يالنشمي ياهلا ويامسهلا

سالم وغانم

وصح لسانك وبيض الله وجهك يابن مغبش

لله درك على هذه القصيدة الفاخرة

تحياتي تقديري

	المشاركة الأصلية كتبت بواسطة قرناس بني ياس

	سالم وغانم وصح لسانك وبيض الله وجهك يابن مغبش لله درك على هذه القصيدة الفاخرة تحياتي تقديري

صح بدنك ووجهك ابيض يابن اخي

اشكرك على المرور والاشاده وترا القلب الحين لونه ازرق

على لون الدراهم هههههههه تسلم على مروك يالغااالي

والله اني عن مجيك خاطري متهيب
.........................مثل ماهاب الفقير مواجه الطلابه




ادري ان عندك جنابً طيب(ن) وحبيب
.....................غير اخاف يسولفون العالم الكذابه




كل واحد لاطراله علم قام يعيب
.........................عيبو في حب عذري غيرهم ماعابه



الله الله على هذه الجزالة الغير مستغربة منك اخي الكريم خالد الهذلي

سبك وحبك لايجيده سوى شاعر في حجم خالد الهذلي

تقبل اعجابي بالقصيدة وصح لسانك

صح الله لسانك على هذة البديعة يااستاد خالد ,,, بحر لايجيده إلا شرواك
وقصيدة مرصعة بالمعاني شكر على هذه التحفة
مع اجمل تحيه

	كيف اطيب وخاطري فالود ماهو طيب ...........................قفلو طاقة هوا غيدا وصكو بابه من صباي احبها واليوم دقني شيب ............................. وماتغير حبها فالقلب دق اطنابه لاتذكرته غشاني مثل وبلاّ صيب ......................... من عيوني الي سوات المزنه الصبابه اخذ شويه وانا صاحي بعدها اغيب ....................سامح الله حبها ذقت العنا باسبابه

قصيده رااائعه تحرك المشاعر والشوق للماااااضي

صح لسانك يابن مغبش وفكرك

	المشاركة الأصلية كتبت بواسطة فارس المطرفي

	والله اني عن مجيك خاطري متهيب .........................مثل ماهاب الفقير مواجه الطلابه ادري ان عندك جنابً طيب(ن) وحبيب .....................غير اخاف يسولفون العالم الكذابه كل واحد لاطراله علم قام يعيب .........................عيبو في حب عذري غيرهم ماعابه الله الله على هذه الجزالة الغير مستغربة منك اخي الكريم خالد الهذلي سبك وحبك لايجيده سوى شاعر في حجم خالد الهذلي تقبل اعجابي بالقصيدة وصح لسانك

صح بدنك يالشااعر المبدع فارس المطرفي

شهاده اعتبرها وسام على صدري اشكر لك مرورك الكريم

وان شاء الله اكون قدمت مايرقى لذائقتك الشعريه تحياتي وتقديري ,,

	المشاركة الأصلية كتبت بواسطة أبو وريـــف

	صح الله لسانك على هذة البديعة يااستاد خالد ,,, بحر لايجيده إلا شرواك وقصيدة مرصعة بالمعاني شكر على هذه التحفة مع اجمل تحيه

صح بدنك يابو وريف والله يحييك ياغالي وشرواك الطيب

شهاده اعتز بها من شاعر متمكن اشكر لك مرورك وكلماتك الطيبه تحياتي وتقديري ,,

بن مغبش..
.
.
بوح رائع..

لايترجمه الاشاعر جميل..
.
.
استمتعت بهذا البوح الراقي.
.
شكرا لك بحجم نبلك ونقاء قلبك..
.
.
احتراامي