ذيب دجله ...,,

[align=center]السلام عليم ورحمة الله وبركاته "
مشاركه عسى ان تحوز على القبول لديكم ،،
"
,[/align]

[poem=font="Traditional Arabic,5,black,bold,normal" bkcolor="transparent" bkimage="" border="double,4,gray" type=1 line=0 align=center use=ex num="0,black"]

عوا ذيب " دجله " والعوا للذياب انذار=ولكن تالية العوى ويش بتسوي
على فقد أبوها عاويه شجب واستنكار=عسى ذيب " فارس " يبديَ الضلع ويعوي
يا ويل القوي من قوة الواحد الجبار=كما ما تدين تدان لو كنت متقوي
سوات العراق اللي اشتكت زمرة الأشرار=عسى الشر عنها اليوم يسرح ولا يضوي
عسى الرافدين اللي تغنت بها الشعار=تحرر من الأغلال يا جيدها المكوي
وتلبس ثياب العيد وتضيف الخطار =وتهنا بها العيشه ويصفى بها الجوي
على يد رجالٍ ما تُكـثّر من الأعذار=قدرها على راحاتها والكفن مطوي
متى يا عرب نصحا ونرمي بثوب العار=نمد الذراع اللي من أسبابنا ملوي
بعد ما قبلنا سومة الدين بالدينار=عجزنا نداوي أجراحنا والمرض عضوي
تعبنا من الإحباط من جرف في محدار=ولا عاد يبقى بالعرب مُشعل الضوي
يكون الذي دايم على المسلمين يغار=يصفق بيد, لكن يا دافع السوي
ليا لمهم من همهم ولوا الأدبار=على خيبة الآمال تعمل بعد تنوي
ولا بد من يومٍ على الظالمين يدار=وياصل صداه أرض الرسالات ويدوي
متى !! ؟ عندما ينهد سورٍ من الأسوار=ويُشرب بحر من كثرة الناس ما يروي
ويخرج رجل دينه على منهج المختار =وينزل نبيٍ في حديث الفتن مروي
أقوله عسى تُمحى الخطايا بالاستغفار =ليا أخطيت بالتعبير رجواه في عفوي










عطا الله القارحي[/poem]