ألا ياذيب

[poem=font=",6,black,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
الاياذيب وش طاريك لجيت العوا ياذيب=حداك الوقت ياسرحان وانت الذيب سرحاني
بماضي الوقت كنت الرمزمنك البدو في تحسيب=وذلحينه محد يطريك لاقاصي ولاداني
وقال العفو يارجل بعقله فاهم ولبيب=انا ذيب وابابقى ذيب قناص وقوماني
ولكن يوم ناظرت الجبل وليا المكان عجيب=مغير الطير والارياح كل اليوم والثاني
قعدت اشرف على المرقاب كني بالديار غريب=ولجيت العوا لأني من الصدقان وحداني
طلبت الله يعوضني اذا لي في الزمان نصيب=تعوّد ماضي الايام يوم العود رياني
وذلحينه قعدت وجرح وقتي بالضمير عطيب=وشاب الراس والعارض وجور الوقت يبراني
وقلت اهلا وحيا بك بمشرق شمسها ومغيب=هداك الله نقضت الجرح اللي قبل وذّاني
على قولك ديار مابقى فيها نخل وركيب=وانا والله لذاك الوقت ياسرحان ولهاني
زمان الخير والنخوة زمان الطيب واهل الطيب=يجيك الرجل بالفزعه على الميعاد عجلاني
زمان القنع والألفه بمنحي كان او في قريب=زمان عز فيه الجار والضيفان والعاني
زمان راح في فاله وربي للعباد حسيب=وجانا وقت ساد الكره حتى بين الاخواني
وعادات وتقاليد يكاد الراس منها يشيب=وصار القطع في الصدقان بين فلان وفلاني
وصارت قيمة الرجّال في ماله وملي الجيب=وإذا فتشت محصوله تلاقي الحال فقراني
زمان صار فيه الصقرباير فيه كل العيب=وصار البوم راعي جاه شانه في العرب شاني
زمان فيه امراض عويصه مالها تطبيب=وربي شافي الامراض يحميكم ويحماني
صحيح مثلما قالوا ترى كل القريب حريب=تسّوّي فيه معروف وكنك مخطي جاني
ألا ياذيب طاوعني وربي عالم ورقيب=نبدّل دارنا بدار والحيّان حياني
وصلوا عد ماهلت مزون ماطر وسكيب=على من جا لنا بالدين والسنه وقرآني[/poem]

إخوتي الافاضل
سلام عليكم ورحمة من الله
تم انزال القصيده قبل حوالي اسبوعين ولكن حذفت بسبب الخلل الذي اصاب المنتدى
نعتذر لمن ردوا في المشاركه السابقه ونعيد نشرها مرة اخرى
عسى ان تروق لكم
تحياتي

صح لسانك ياجمعان

شاعر جزل

صح لسانك الشاعر جمعان الطلحي على هذه القصيدة الباذخه

ذات المضمون الراقي بماتعنيه الكلمة من معنى

خالص التحية

هلا ومرحبا اخي الفاضل ابو رديد

تشرفت بتواجدك وتعليقك وهذا من ذوقك

دمت بخير

صح لسانك يالشاعر جمعان الطلحي

جزل معناك الله يحفظك

صح لسانك يابن العم ,,,,شاعر غني عن التعريف

بس مادري ليش ماجات معي اغلب صدور الابيات ,,,,يمقن اني شيبت ويمقن لا


اخوك

أخي الحبيب صالح المطرفي

حياك الله وحي حضورك الغالي وتعليقك اللطيف وهذا من لطفك

دمت بخير

صح لسانك يا الذيب . . . ابدعت في الفكر و الشعر لله درك

أخي الفاضل الضافر

أسعدني حضورك وتعليقك

ماانحرم منك يارب

تحياتي

قصيده رااااااااائعه


وصح لسانك


تحياتي

صـ لسانك ـح

قصيده جزله

مبدع اخي جمعان

صـ فكرك ـح

اطيب التحايااا

أخي الغالي بن قاسي

أسعدني حضورك وتعليقك

ماانحرم تواصلك يارب

دمت بخير