حاسن المطرفي والجن

هذه احدى محاورات الشاعر حاسن المطرفي الهذلي والجن،ويقال بأنها تكون وهو منامه وانه يرى صفوفهم كذلك:

الجن
سلام جيناك من روس المشاريف = نبى نعسك عسى مابك رزيه
قالوا مسخن وقالوا حالك ضعيف = ولاتحتمل للعلوم اللي قويـــه
حاسن
يامرحبا بالرجال اهل المـعاريـــف= لوكان مدري من ايات النحيه
واللي يجي من كثير الجود تخفيف= وانا مـن الله بخــير ولاعلــيه
الجن
نبي نصرف كلام العرف تصريف= حتى تبين السمين من الرديــه
العام تذكر تلجلج بالغطاريف = ماطحت لك في رجال (ن) صيرميه
حاسن
المعرفة وانا حاسن بحر(ن)مطيف=ماهيب سقوة ولاجتني هديــه
العام اغني واعدي بالمهاييف=والعب على الناس لعب العرفجيه
الجن
جيناك بسهومنا والرمح والسيف = وانته لحالك ولالك مرحـــــميه
يلعب بك الليل وانسام الهفاهيف =واخاف بكرة تصير انت الضحيه
حاسن
مالومكم ياكبيرين السواليف= ماتعرفون الصواب من الخطــــيه
ماهي علوم(ن)تصرفها على الكيف=حياة نفسي على رب البريه
الجن
والله لادحمك لين تعود معيف= واني لزاحمك بالقـــــوم الرويـــه
بالكف والصف والسلطان والقيف= واصيح للجن واقول الحميه
حاسن
قهرتكم بالنبي راع المواقيف = محمد اللي بباب العنـــــــــبريه
لكن صلوا بنا في مسجد الخيف =واحنا نصلي بكم في العابديه
الجن
طايح بغبة ولاعندك مجاديف =راحت عليك الرباع مع الثـــنيه
ليا بغيت المعاني والمحاريف= لاتارد الا العدود الجاهلــــــــيه
حاسن
حنا وردنا البحر وانتم مكاتيف = يالاعبين اللحون السامــــــريه
روحوا مراح السحاب اللي مراديف= انتم غريبين والدار هذليه


منقول

يعطيك العافيه على النقل

الله يرحم حاسن وابنه جميل

من أجود الشعراء في هذيل في وقتهم

الله يرحمهم
والقصة هذه سمعتها عنه وله أبيات أخرى مشهور أيضا لو تتحفنا به

انتم غريبين والدار هذلية
الجن غريبين على الشعر والله المفروض ان الجن ياخذون فيها حق نسفهم حاسن الله يرحمه من الخارطة

لاهنت يالسيف