قصيده عن بنت تطالع شاب فى المطار

قصيده عن بنت تطالع شاب وهو مع أصحابه في المطار
ومانزلت عينها منه !!
وطلع الشاب شاعر..
كملوها للاخر..

يقول الشاب الشاعر فيها:

كل شبر بها الوسيعه ملك ربي تعلمـــــــــين
واعلمي ان اللي خلقني هو خلق لك هالعيون

لكن انتي من جلستي وانتي فيني تناظرين
كن مابه ناس غيري بهالكراسي يجلسون !!




لو سمحتي عاد اسمعي وحتى لو ماتسمحين
المــــهم اللي بقوله تسمعينه ويسمعــــــــون

عالأقل ليا ناظرتك سوي روحك تستـــــــحين
غظي طرفك مثل غيرك خوف ربعي يلمحون

الركاده عاده زينه والحيا في البنت زين
وفيك!! جازم لا ركاده ولا حياء يذكرون



تعرفيني ؟!! أعرفك؟!! ما أذكرإنا ملتقـــين
لا أعرفك من تكوني ولا تعرفيني من أكون

واطمئني كان قصدك بس فيني تشبهـــين
ماهو أنا اللي تعرفينه والبشر يتشابهــون
مادريتي من التشابه يخلق الله أربعــــين
واعرف اربع يشبهنك بس والله يستحون



وكان قصدك شي ثاني؟ عاد قولــي وش تبـــــين
خايف إنا نصير فرجه واللي ما اشتروا يتفرجون

واذا ببالك عاجبتني لا يوحشك!! تحلمـــــين
صح ربعي من جمالك فيك صاروا يمدحون
بس وش اللي في حلاتك دآم فيها ترخصـين
حشمـــة البنت بحياها والكـــــرامه يلفتـــون

ولو توفر فيك هذا مع حلاتك تبشـــــرين
ماهو أنا ...ألف غيري باب بيتك يطقون



وش علامك رغم كل اللي أقوله تسكتــــين
مو طبيعي هالسكوت وهالبرود وهالسكون

انتي خرسا؟!! أسألك؟؟ والا منتي تسمعين؟؟



قالوا ربعي:
ذي كفيفه ..!!! قلت لا لااااااااااا تمزحون !!

لين شفتك يوم رحتي يمسكونك باليدين
مادريت الا عيوني أربع أربع يذرفون



آآآآآآآآآآه يآآآآآآآآإنه مشهد يوم شفتك ترحلين
جيت اشوف عيون ربعي لقيت الكل يدمعـون

يالكفيـــــــفه يالعفيفه ان قلـــت آسف تقبلين؟؟
يغفر الله ذنوب عبده ليآ خطا! وهل تغفرين؟؟

العبره ..

يااااااااااااااليت نترك اساءة الظن بالناس على كل حركه
أو نظره أو كلمه يبدأ الشيطان ينفخ ويهمز وينفث واحنا نصدقه على طول
ونفسر كل شي على هوانا وهوى الشيطااااااااااان !!

أحسنوا الظن بالناس واعطي اخيك سبعين عذرا تغافلوا وتغاضوا
واشتغلوا باصلاح انفسكم ..

غــــــــــــــــــــــري به

وين التعليقات

صدقت أخوي نايف. موقف فيه العظة والعبرة وحسن الظن يدل على سلامة القلب ويؤدي الى السلامة أيضاً

أقول : اختيارك في محله بيض الله وجهك

كلام سليم اخوي نايف يعطيك الف عافيه تحيه طيبه

ابو ثامر وجهك ابيض

وهذا اهداء منى لشخصك الطيب وهى رجزه للشاعر الكبير عمر الخالدي

يامرحبا جره عفتها جره

سيل ومطر واسقى البحور السبعه

واسقى حلب واسقى مزارع شبعه

ومحمد الدره عطوه الدره

وسلامتك

	المشاركة الأصلية كتبت بواسطة نادر النادر

	كلام سليم اخوي نايف يعطيك الف عافيه تحيه طيبه

حياك الله اخوى النادر


ومشكور على مرورك


تحياتى لك وتقديري