معارضتان لفزاّع وابي ارائكم الكريمة
رائعة فزاع
اولا ّ
إذا شفت الزمن مقفي بعينـه نيـة التجريـح
رهنت النفس للعليا إليـن تمـوت مرهونـه
ترى خير الكلام الذكر وأشرف مفرده تسبيـح
ودنيتنا قصيـدة أعتقـد مـا هـي بموزونـه
يطيح المزن لكن السحابة ثابتـة مـا تطيـح
مثل مداتنا لامـن عطينـا جـات مضمونـه
و أنا ماني بطير صـاده القنـاص بالتلويـح
أنا طير على الغيمة يحـوم و لونهـا لونـه
من التلميح ما يكفي عن الشرح ومن التلميـح
ما يجرح لي زوايا خافقـي ويحطـم ركونـه
قصيدي كان ما بكى السحاب ولا استثار الشيح
يمين الله.. لأطبع بنـات الفكـر مـن دونـه
أعسف القاف للمعنى مثل عسفي ببنات الريح
وتجي قافي مثل شيخ بنـي عمـه يحشمونـه
أنا أعشق بكل إحساس لكن مستحيـل آصيـح
أنا لي هامة عيت تطيـع الـذل .. مجنونـه
أنا سدي حفظ سر الكـلام ولا أحـب أبيـح
و عذالـي تعـرف قيمتـي بـروح مغبونـه
عجزت أداوي آهات الشعوب وفكرة التسليـح
و إذا جيت أشعل أهرام الظلام مات فرعونـه
و إذا عيا على الظامي نهر دجلة وعين السيح
من يلوم الحزين ليا انتثر دمعه مـن عيونـه
أبا اشبح دام ما يقبل ميول الفكرة التصحيـح
و أبا أرقى للنجوم الي تبا موتي على هونـه
ترى طعن الظهر غادر و لا يحتاج له تصريح
ولدغات الحنش تقتل وخص إن جات مدفونـه
يقال إن الأساطير القديمـة مـا تبـي تنقيـح
وسنون سممت تقتل ولـو ماهـي بمسنونـه
أنا ما خفت من برد الضلوع وقسوة التبريـح
أنا ألفظ كل زفرات الغـلا واللـي تعرفونـه
أنا أخاف أنثر بيوت القصايد في مهب الريـح
و أجرح مهجة الإحساس والقيفـان ملعونـه
المجاراة الاولى
انا احِبّك وصارحتك واجي لك مع بنات الريح
بِسُبّق تطوي البيداء // والساري على هونه
واسل ّ السيف في معناك لوجيناك بالتلميح
تبى تفهم :: نبى نفهمك // والنيّات مضمونة
دخيلك جُود بالتقدير // واهدي لك ورود وشيح
ابفرش لك طريقك / بالذهب والغالي اصونه
تبى ترحل بك الخطوات بالآلام والتبريح
وتنزف من جروحك والكثير يصيح بطعونه
واجي واسامحك // وأدرى عليك //ومستحيل اطيح
إذا إن ّ الله قوّاني // فليش ؟ نخاف مجنونة
عليك المُرهفات من القصايد واختم بتسبيح
لرب ّ البيت سبحانه إلهي اللي ّ حمى كونه
المجاراة الثانية في ليلة القدر والله العالِم
سلام الله من هاجس // لظاه بجمرتين يفيح
مايستحمِل حرارة // لكن َ الازمان ملعونة
خبير : ومايفكّر في المُجرِّب لو يجي ويصيح
ولا ضرّته عالَم ساطية / ونفوس ملسونة
يُكمّل في الدفاتر / والورق عطّره ورد وشِيح
ولايدخل فِللْ من جِن أو شيطان مسكونة
بنى بيته بقلوب ٍ ذاقت الآلام والتبريح
وسَلّاها بمعناه البهي لازانت لحونه
واناماني فِظِل َّ اهل المجازر // والجنون تصيح
وانا اخبر هقوة الشيطان تكبر مثل بلّونة
وانا قرم القصايد// ياهذا الغامِض يابو التلميح
ملامحك الحسينة لاقَت ْ بدقنتك محسونة
وانا اضيّفك / ياسطر القصيد / ومانبى التجريح
وبعض الخلق لوينزف // يموت ومايداوونه
لكن ْ انت انتقلتبّي // إلى دنيا بها التصريح
بفضل الله / والاسلام مِلّتنا ومضمونة
واناواقف / واناقش حُجّتك / يوم الروؤس تطيح
وراس الآدمي ماقد زهى ياكُود بمتونه
تعال اسكن فقلب القافية // وانته نسيم الريح
ليا ميّل ليه الوردات/ في جوف البلَكونة
واظن ّ ارقى الكلام الذِكر / بالتهليل والتسبيح
ومن مايطلب الله // مايملّي نُص ماعونه
اثِر دنياك بوجيه ٍ لها التجميل والتقبيح
وغينيّا : بياض وجيه // والشامي ككربونه
لكن اغنامكم يهل المعاني تنتظر تسريح
ولا يضوي بها الاقشر / ليا حرّك دركسونه
وجاتك شاه جلحى // مع تويسك ذلك النطِّيح
ولكن المطر مدرار // والخيرات بمزونه
وانا قصدي ابى اشوت واسدّد ركلة الترجيح
وابى اهز ّ الشِباك // وبعصر اخصامي كليمونة
ومثلك ينكمش جته البرودة // والهواء يزيح
يحرّك من شَجَرْتك // جذعها لاهزهز غصونه
وكُتاّب الجريدة حّقهم جزاّر // له تشريح
يدق ّ عظامهم بالفاس // حّتى تصير مطحونة
وهذا الحل مُنصِف : منطقي : ويلَك و ويحك ويح
لاّنك تشتري هذي الصحيفة // و هي مركونة
وانا ربّيت شعاّر الجزيرة / فايز بتصحيح
عقب ثار الغريب // وشوشتك ياابليس مدهونة
آخر تعديل شباب يوم 08-05-2013 في 08:51 AM.
|