قصــــــيده مـــــــدح في هـــــذيل

هذي القصيده في حفل الشاعر عتيق صغير القارحي الهذلي/لشاعر وصل العطياني

سلام سلـم الرجـال أهـل القوانينـي
:::::::::::::::::::رديـةٍ مـا تخـصّ فـلان وفـلانـي
أزكى من الـورد وأطيـاب الرياحينـي
:::::::::::::::وأحلى من الماء القراح لكبد عطشاني
وسلمت ياللي لهـذا الحفـل داعينـي
::::::::::::::::::يا واحدٍ متعب الخطـوة علـى شانـي
من يوم شفت الرسالة قلت من حينـي
::::::::::::::::والله لأجي كان سهم الموت ما جانـي
ومن مدركة دار أبوي اللي موصّينـي
::::::::::::::::::::علـى وفاكـم بعـد وصّـوه جدانـي
مشيـت والشـوق للهذلان حاديـنـي
::::::::::::::::::وملعون شوقٍ لغيـر هذيـل يحدانـي
والساعـة اللـي لشرواكـم تودّينـي
::::::::::::::::::::في ذمتي مـا كتبهـا غيـر رحمانـي
مابه نسب بيـن ذوي صغيّـر وبينـي
:::::::::::::::::::أصلي عتيبي وهم فـالأصـل هذلانـي
لكن تدرون وش يسوون في عينـي ؟
:::::::::::::::::::والله حرام انهم عنـدي كمـا اخوانـي
لهم معـزّة تمرجـح فـي شرايينـي
::::::::::::::::::::تطلع في شريان وتعـوّد مـع الثانـي
اهل النقاء والتقـاء والعـزّ والدينـي
::::::::::::::::::واهل النخاء والسخاء وطوال الأيماني
للحـقّ عـرّاف ورجـالٍ مياميـنـي
:::::::::::::::::::::::تعـادي المعتـدي وتقـدّر العـانـي
مضمونهم فاق جـزلات المضامينـي
::::::::::::::::::::::::تقـدّم الطيـب للقـاصـي وللـدانـي
وعن ربعي عتيبة الهيـلا السلاطينـي
:::::::::::::::::::::::لا قيل من هم يكفّـي قـول عتبانـي
حنـا عتيبـة مـقـرّرْة الموازيـنـي
::::::::::::::::::::::::لا قبّـت المعركـة شعلـة ودخانـي
ابى الفخـر ؟ كلمـة عتيبـي تكفّينـي
::::::::::::::::::::ما عشت لو ما افتخر بأصلي وسيساني
ما دمت شاعر وربّ البيـت معطينـي
:::::::::::::::::::::::::للطيبيـن أسخـر أبيـات وقيفـانـي
ولو أدري إن الشعر معهـم يزرّينـي
:::::::::::::::::::::::والله لأكبّ القصيـد ولأقطـع لسانـي
أقولهـا واختصـار القـول يكفيـنـي
::::::::::::::::::::::الحفل وأهله على رأسـي والأعيانـي
والله لأجيهم لـو العكـاز فـي يدينـي
::::::::::::::::::::::::إن كان ما اوفيتهـم مانـي عطيانـي

تحياتي للجميع
عاشق هذيل القارحي