الشـــعر والشـــعار

[align=center]في حفل قبيلة ثقيف
الذي أقامه الشاعر / إبراهيم السفياني
لتكريم الرعيل الأول من الشعراء
وفي محاولة للرقيّ بالأدب الشعبي
وجمع الشمل ونبذ الفرقة والبعد عن العصبية
طُلب مني قصيدة فكانت هذه:[/align]

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
بداية القاف السلام ابدابه=سلام رديه بداية قافي
تحية الإسلام خير بدايه=أعذب من الجم القراح الصافي
تضفي على هذي الوجوه السفره=في الحفله اللي نورها ينشافي
في حلة اللي بالكرم بانيها=ورث الكرم من جده المضيافي
تبقا بابو الوافي ياراعي الحله=يحيى بعزك ويتربى الوافي
الله يابراهيم يرفع قدرك=أنا اشهد إنك يالكريم سنافي
أنتم مقر الجود من ماضيكم=وانتم مقر الشعر والعرافي
واكبر دليل الجمعه المبروكه=في حلالكم يامكرمين اللافي
وتكريمكم للشعر ولشعاره=الحي واللي راح تحت السافي
يالله ترحم من توفي منهم=برحمتك ياخافي الألطافي
يطري عليّ عبدالله المسعودي=شاعر هذيل وحامي الميقافي
وبن جبير اللي بيوته جزله=يشهد له القاصين والحضافي
ومحمد بن تويم وبن شريّف=واذكر هلال ومطلق وصيافي
وطلق صويلح والعجي ومريسي=وبن عبيد إليا إحتمى المحرافي
وشعار واجد ماقدرت احصيهم=لو إني أبغا العدل والإنصافي
أهم اقول إليا طرا طاريهم=الملعبه من بعدهم تنعافي
لولا رجالٍ رافعين الرايه=الشعر معهم سالمٍ متعافي
لازال له ناسٍ تصوغ بيوته=مثل الذهب في خزنة الصرافي
فرايدٍ منها المثل والحكمه=بالذوق ترقى عالي المشرافي
تذكر علوم الطيب وتمجدها=حتى تفز لها النفوس خفافي
والطيب ماكل العرب تشقابه=لوشفت كلٍ مدعي حلافي
أحدٍ يشيل الطيب ويطيّب به=لومايصلك إلا عبيره كافي
واحدٍ لو نفتّش مخابي ثوبه=مافيه غير الشب والإصرافي
حتى ولو غنى ودار السبحه=كما يدور السلف بالحذافي
يفقد شعوره لاطلع بالصوره=من يوم يتوجه له الكشافي
يظن مافي الكون شاعر مثله=ويجيه عند المكرفون شعافي
والشعر بحرٍ يتعب السباحه=راعي الشراع وراعي المجدافي
ماكل سباحٍ يغوص اعماقه=له غبّةٍ ماهي كما الأطرافي
كلٍ يقول انا سبرت أغواره=وجبت الدرر من داخل الأصدافي
والبحر ماعمره نقص مكياله=ولادرى عن راعي المغرافي
والشعر سوقٍ ما تقفّل بابه=فيه البضايع والبيوع اصنافي
كلٍ يبيع ويشتري من ماله=والناس بين البخل والإسرافي
الطيبه تلقى زبونٍ طيب=عنده كمول ويدفع الآلافي
والثانيه تلقى الزبون الثاني=اللي محاصيله هلل وانصافي
والشعر سيفٍ في لسان الشاعر=كلٍ بسيفه والسيوف رهافي
أحدٍ يحارب به دعاة الباطل=والدين مايرضى عليه خلافي
واحدٍ طعن به في صميم الأمه=ومنقّعٍ حده بسم زعافي
لو قالوا المعنى في بطن الشاعر=لكن مايخفى على الله خافي
والشعر ياشعار مسئوليه=ماهو كلام يروح ماله قافي
لابد مانُسأل عنه ونحاسب=في يوم كلٍ فيه عاري حافي
لو ضحكت الدنيا لراعي الدنيا=الموت مقبل والعمر متقافي
وانتم تعرفون الشعر واغراضه=جربتم المرواح والمنكافي
مايستوى راعي القيَم محييها=ومحطم العادات والأعرافي
ولايستوي اللي كلمته رافعها=واللي منزلها إلى الإسفافي
ومن قال باعراض العرب قالوا به=وإليا إستلفت تسدد الأسلافي
لاتبهت المسلم ولاتغتابه=حتى ولو لحفتها بلحافي
والفخر ماهو شب نار الفتنه=ولاهو بذم الناس والإجحافي
والذم مايرخي مقام الجيد=والمدح مايرفع مقام الهافي
وإن كان غنيت الغزل خاف الله=لاتسري الغدرا بنورٍ طافي
إحذر تجيب اوصاف حور الجنه=ترى قلوب العاشقين صخافي
ولافيه زين إلا ويوجد مثله=ما فيه حيٍ كامل الأوصافي
هذي نصيحه من ضميرٍ صادق=انصح بها واصحّي اللي غافي
أبغا لياقالوا يقول الطلحي=ولينّها فيها الجواب الشافي
وعلى النبي المصطفى صلينا=مالاح برق وبات له رفرافي[/poem]

وين القصيدة

قصيده جميلة

صح لسانك ياشاعر الحكمة

والشعر سيفٍ في لسان الشاعـر
.........................كلٍ بسيفـه والسيـوف رهافـي

لو قالوا المعنى في بطن الشاعـر
===================لكن مايخفـى علـى الله خافـي


ياعيني عليك وعلى الكلام الجزل

ابيض وجه ياعبدالله

كفيت ووفيت طال عمرك



قصيده شامله لكل شئ

يعطيك العافيه وصح لسانك

P.S Has got acquainted with the girl, http://cyberblady.com, how it to you? Only it is fair!

صح لسانك شاعرنا


عساك ع القوه

تحيتي ,,,,

صح لسانك قبل ما أقراها ثم ونا أقراها ثم إذا أنهيتها يا شاعر الحكمة

يطري عليّ عبـدالله المسعـودي
شاعر هذيـل وحامـي الميقافـي
وبن جبير اللـي بيوتـه جزلـه
..
..
من هو هذا ابن جبير

و منهم
العجي
مريسي
ابن عبيد

الأخ عبدالله الطلحي
ماذا عساي أن أقول وانا أرى الإبداع خلف الإبداع ينهمر من قريحتك الفذه والحكمة تلو الحكمة أين أنت من زمان عن منتدانا ياأخي والله ثم والله إنك مكسب كبير للمنتدى وجوهرة ثمينة لاتقدر بثمن الله يحفظك ويرعاك ويبارك فيك وننتظر جديد إبداعاتك بلهفة .

صح لسانك يا شاعرنا الكبير


الإبداع لا يأتي إلا من المبدعين أمثالك




ننتظر جديدك بشغف







تحياتي ,,,

عزالله كفيت ووفيت ويستاهلون رفاقتنا بني سفيان وكل ثقيف احلافنا اللي ماتخلفهم الايام