بيان وقصيده .للشاعر الكبير /فارس الصحراء . صالح المطرفي الهذلي

بسم الله الرحمن الرحيم
والحمدلله والصلاة والسلام على اشرف الانبياء والمرسلين .. اما بعد

لقد قرأت بيان مشائخ هذيل وعتيبه ومن ارراد الاصلاح من القبائل الاخرى ووافق مافي خاطري واقول لهم بيض الله وجيهكم على نظرتكم الصائبة .. وهذا مايجب ان يقومون به( قبائل هذيل وعتيبه ) جميعا
بعد هذه المراشقات الشعرية

وقول انا
الشاعر / صالح بن دخيل الله المطرفي الهذلي ( فارس الصحراء )


يقول من هاضت عليه الثماثيل
عقب الخيال اللي مزونه غضيبه

ياربعنا ياهذيل نادوا على هذيل
وياصحابنا عتيبه تولوا عتيبه

انتم عواريف الجزيره اليا قيل
اقفى الطليب بحاجته عن طليبه

حل المشاكل عند روس المشاكيل
اللي يهدون الامور الصعيبه

انكان في دعوى تساق المعاديل
وانكان في هرجه تهون المصيبه

الحق صابون القلوب المعاليل
لاحد يروح وخاطره فيه ريبه

حتى انها تصفى قلوب الرياجيل
واللي معه علمٍ يجي يدعيبه

ابليس لايلعب بروس المهابيل
اللي يشوفون البعيده قريبه

حنا عواني من على سابق الجيل
والدار واحد والمناسب عريبه

قبايل بين القبايل لها كيل
وتاريخها كل الرجال تحكيبه

اهل الاشده و المهار المشاويل
وفي صدرة المجلس مكانه وهيبه

بذو على قضي اللزوم المراحيل
والعود ابو دخان طفوا لهيبه

عدوان الامه راكزين الدرابيل
على امة الاسلام من كل صيبه

الرافضة قامت تشن المراسيل
للملكه واخص مكه وطيبه

وقامت تحركهم علانا اسرائيل
غير الكلاب اللي في سد الجذيبه

وليا انشغلنا في جميع التفاصيل
لابد ماتمضي علانا الغليبه

صفوا سوا ياراجحين المعاقيل
في راي حكام البلاد الحبيبه