قصيدة مــــــــــــــــــــــــ ــدح

السلام عليكم ورحمة الله وبركاته ....
اخواني اعضاء منتدى قبيلة هذيل العريقة لا يمدح الا من يستحق المدح والطيب ليس محصورا بشخص بعينه او قبيله بعينها
بل هو مقسم على الكل بلا استثناء واسمحولي بهذه القصيدة التي امدح فيها شخص يستحق المدح ...


كل جنديٍَ مطيري ما غبط منصب وزيـر=شي عادي من جبال الارض مسنود بجبل
من شيوخ مطير ولاَ اهل الحميه من مطير=عز للمنصب لونَه عـز للنقـص الخبـل
رتبةٍ ذلت من اضعيفٍ عن الطاله قصيـر=ورتبةٍ تفخر بمن يشهد على قولـه فعـل
شرَف الرتبه اخو جوزا هو الشيخ الأمير=راس حمران النواظر بالزمن هذا وقبـل
الدويش اللي بنى الامجاد بالسيف الشطير=في زمان العلم والتوحيد وبوقـت الجهـل
كم قبيله شيخها عوَد على قومـه كسيـر=عقب ماعلن في هديره راح يرغي كالجمل
لو نوى ياخذ بثاره نـاويٍ راسـه يطيـر=غير مستغرب وسيف شيوخنا كسَـر دول
من يبى الموت المؤكد عن حياته له مصير=يقرب الدوشان شرط انه شجـاعٍ مايـذل
عزهم فينـا وحنَـا عزنـا فيهـم خشيـر=والمواقف باللوازم مارضت عنهـم بـدل
لو بديت اذكر فعايلهم إلـى مـالا أخيـر=ينتهي عمري ومجد اخوان جوزا لم يـزل
لانهم متوارثينه من كبيـر اليـا صغيـر=كل جيل وكل عصر الهم بطولات وبطـل
واقصد اللي مثل عبد الله اذا الماقف كبير=عزمه اكبر مايهمه والصعب عنده سهـل
كيف مايسهل وجده يسَر اليـوم العسيـر=" ويلهم لولا اسمرٍ في خيلهم "فبن مشـل
من شليويح العطاوي بالنداوي قـال غيـر=لا هوى بصفوف الاعدا لا يكل ولا يمـل
رتبة املازم لها حق التحيه مـن مشيـر=دام كتف ابن مشل قد صار للنجمة محـل
وادري ان الطيب لاجا من هله ماهو كثير=والصحيح ان المثل قال الاسد عقَب شبـل
مير كلمة حق تفرض نفسها وسط الضمير=ماختلف مجنون فيها مع رجل كامل عقـل
قالها اللي عزوته ميمون في اليوم الخطير=لارتفع صوت المنادي فعلهم يضرب مثل
واعتزوا ستة على الستين والوالي نصيـر=واحدٍ منهم بعشرة بالوغى لامـن صمـل
وأما انا يابن مشل دامك معي كني وزيـر=ولا احد يعجب مادام إني تسنَـدت بجبـل

وسلامتـــــــــــــــــــ ـــــكم ...
العقيد ( مشعل بن القهيديه العبدلي )





واعذروني على عدم التنسيق لان المنسق ما فتح عندي

أولا حمد الله على السلامة

أنقطعت عنا لفترة فضننا أنك لن تعود

ولكن الحمد لله أنت تعود لتتحفنا يهذه الرائعة


فصح لسانك أخوي العقيد

والنعم في الممدوح

تقبل تحياتي

وعليكم السلام ورحمة الله وبركاته.
حيا الله العقيد مليون..

بيض الله وجهك قصيدة جزلة من شاعر جزل ..
ونعم والله ونعم ويستاهل ...

لك تحياتي.

حيالله العقيد


و صح لسانك





تحياتي ,,,

اخي وعزيزي الشاعر المتميز هشام الهذلي ..
اولا الله يسلمك يا طويل العمر
واعلم ان كثرة المشاغل تسببت بغيابي المؤقت ولكن لا بد من العودة الى هذا الصرح الادبي الاصيل
فمنتدى قبيلة هذيل العريقه منهل لعشاق الشعر والفصاحة ولا يمكن الغياب عنه بمحض الارادة ..
وصح بدنك يا هشام وشهادتك ايها المتميز تزيد الاعتزاز .
وما عليك زود بالاصالة عن نفسي وبالنيابة عن الامير عبد الله بن مشل الدويش .
تقبل تحياتي ،،،

اخوك
العقيد

ابقاك الله اخي مشعل هذيل كثر ما قلت ...
واخشرك الله من دعواك يا ابيض الوجه ..
والله يسلمك يا رمز الجزاله .
وما عليك زود بالاصالة والنيابه .

تقبل تحياتي ،،

اخوك
العقيد

ابقاك الله يا بو سعد



وصح بدنك

تحياتي

اخوك
العقيد