عشقي المغرور

صباح / مساء السعاده لقلوبكم الطاهره

تقبلوا بينكم هذه المتواضعه



[poem=font="Arial,5,#4b0082,normal,normal" bkcolor="" bkimage="backgrounds/40.gif" border="none,1," type=1 line=0 align=center use=ex num="0,"]
الليالي والوعود وكلمتينك = تشغل أفكاري معاك بنرجسيه
عشقي المغرور وإحساسي سجينك = لو تمادى بالخطا ما هي خطيه
درّسه في مجلس العشاق لينك = قمة إحساس القلوب العاطفيه
يا ضنيني جرب الفرقا ضنينك = اكذب الدمعات فيها واقعيه
دمعها ما يرحمك ولا يعينك = غير يتمادى العذاب بعنجهيه
لا تطرّي ذكرها بيني وبينك = خلنا نقضي ليالينا هنيه
ودام ربي كملك بأوصاف زينك = أنت ريّح وأترك الباقي عليه
والله أني لا أتغنى في سنينك = لين تجفاني الحروف الأبجديه
وإن قضيت الوصف في رمشك وعينك = ناشدك بالله تاخذها هديه
ما لقيته من حلاك ومن حنينك = حلم ما أدري علم ما أدري نار حيه
مير لا تسأل علي أن ضعت وينك = والله أني لا هناك ولا هنيه
اتشتت في غيابك وأستبينك = وأتوجد والليالي سرمديه
وأتشكل في ملامح معجبينك = وأتساءل ويش منك ويش ليه
واتخيل يوم تفتح لي يدينك = وأحضنك ذايب وتتراعش يديه
وقتها حسدت حتى والدينك = وأنت تلعب بينهم صبح وعشيه
شف غلاك اللي تحدا عاذلينك = صبني بعروقك الخضر النديه
كنت قاسي لين صبحني جبينك = ولانت ضلوعي معاك بشاعريه
وكنت ميت حس واسقتني يمينك = صرت ميت حب ويدينك وفيه
كل ما أصرخ طمنتني راحتينك = لا تخاف وبات فيها بات فيه
ضمني مرتاع والله لا يهينك = ابك أنا ما عاد باقي لي بقيه[/poem]


وسلامتكم