يامل قلب فيه للعرف منزال لبريك السعيدي

[poem=font="Arabic Transparent,4,,normal,normal" bkcolor="" bkimage="" border="none,1," type=0 line=1 align=center use=ex num="0,"]
يامل قلب فيه للعرف منزال =وان جاه راع المعرفه مايمله
الفرق واجد بين رجلي وخيال=ياللي تمر اللي على الرجل قله
مالك ومال الركض والدرب لو طال= انشد بريك اللي ركض وش حصله
مامن نهار شفت غبات الاهوال=ومامن نهار وقت فالمستقله
ومامن نهار شفت ماينشط البال=ومامن نهار الدمع عيني تهله
ومامن نهار غترة الراس بعقال=ومامن نهار ماش غتره تظله
وياما مشانا في قصيرات وطوال= شفنا الفرح والهم شفناه كله
ياتركي اباوصيك عن درب الانذال=اترك طريق النذل لا تستدله
النذل ماينفعك في كل الاحوال=يفرح على الطيب ليا جاه خله
عليك باللي مسند الجد والخال=زبن الدخيل ووزعته ماتزله
ماكل رجال ليا قيل رجال= اليا انعقد حبل الشقا مايحله
اسم النسا واحد وسهمتهن اشكال=مثلت سبع وعلقن فالمجله
فيهن بنت مذبح الحول حلحال=حظ الشجيع اللي تجي في محله
وفيهن منهي تنقل القيل والقال=ولسانها فوق العرب تستسله
وفيهن طيبة العمل زينة الفال=دايم على طيب العمل مسمهله
وفيهن من تستر معانيه لو مال=فاللازم الغصاب كود تقله
وفيهن منهي تكحل العين بخلال=دلع دلوع ثوبها ماتشله
وفيهن منهي تذهب الحال والمال=رجالها من طبعها تستمله
دايم عليه تحط حيله وتحتال=وتناظر الراتب تبا تستغله
وفيهن دردوشه ولو جات بعيال= اهيه وماجابت على الكبد عله
هذا وما مثلت في عرض الامثال =واللي بقى مستور والامر لله
يامل قلب مثل مطوية الجال=يامل قلب مثل من هو يتله[/poem]

وسلامتكم

صح الله لسان شاعرنا بريك السعيدي وبارك الله فيك أخوي أبو بسام على نقل هذه الدرر النفيسة لنا وهذا ماتعودناه منك الله يسلمك ، الله يعطيك العافية .

النذل ماينفعك فـي كـل الاحـوال **** يفرح على الطيب ليـا جـاه خلـه

ماكـل رجـال ليـا قيـل رجـال **** اليـا انعقـد حبـل الشقـا مايحلـه


صح الله لسانه
و بيض الله وجهك يا / هذلي و الفخر لي

صح لسان أبو تركي

والله يعطيه الصحه والعافيه

ويطول عمره

ويعطيك العافيه أخوي أبو بسام

خير ما جبت

تقبل مروري

السلام عليكم ورحمة الله وبركاته.
صح لسان الشاعر السعيدي.
وبيض الله وجهك أخوي هذلي على نقلها لنا ..درر .

مالك ومال الركض والدرب لو طالانشد بريك اللي ركض وش حصله

الله يوفقك..

مشكور اخوي وعساك على القوة

صح لسان الشاعر بريك السعيدي

واطال الله في عمره وامده بالصحة والعافية

وسلمت يداكـ على النقل المميز